გარემოს დაცვისა და ბუნებრივი რესურსების კომიტეტი გასვლითი სხდომის ფარგლებში მაჭახელას ხეობაში იმყოფებოდა

აჭარაში, გასვლითი სხდომის ფარგლებში გარემოს დაცვისა და ბუნებრივი რესურსების კომიტეტის წევრები მაჭახელას ხეობაში იმყოფებოდნენ, სადაც მაჭახელას ეროვნული პარკი და დაცული ლანდშაფტი დაათვალიერეს.

პარლამენტის პრესსამსახურის ინფორმაციით, პარკის ადმინისტრაციის წარმომადგენლებმა მაჭახელას დაცული ლანდშაფტის შესახებ პრეზენტაცია გამართეს.

უწყების ცნობით, დეპუტატებმა ახალი საგამოფენო სივრცე დაათვალიერეს, სადაც ადგილობრივი ფლორისა და ფაუნის მრავალფეროვანი სახეობების ნიმუშებია გამოფენილი. მოინახულეს თოფი „მაჭახელას“ მონუმენტი და ისტორიულ-ეთნოგრაფიული მუზეუმი სოფელ ჩხუტუნეთში. დაათვალიერეს ახალი ტურისტული ინფრასტრუქტურა. გაეცნენ ხეობაში ალტერნატიული ენერგიის ბიომასის და მზის გამოყენების მაგალითებს, დაათვალიერეს მზის ენერგიაზე მომუშავე წყლის გამაცხელებლები, ელექტროღობეები და სარეინჯერო ინფრასტრუქტურა.

„ეს არის უნიკალური ტერიტორია, რომელიც ორ კლიმატურ ზოლს აერთიანებს და ჩვენ გვეამაყება, რომ გასულ წელს პარლამენტმა მთავრობასთან ერთად უკვე დაცული ლანდშაფტის დაარსებით კიდევ ერთი დიდი ნაბიჯი გადადგა ადგილობრივი ბიომრავალფროვნების დაცვის კუთხით და იმისთვის, რომ მეტი მნახველი, როგორც შიდა ასევე გარედან შემოსული ტურისტი იყოს მომსწრე და მნახველი იმ არაჩვეულებრივი ბიომრავაფეროვნებისა, რომელიც აჭარის რეგიონის ამ უნიკალურ ეკოსისტემას გააჩნია“, - განაცხადა კომიტეტის თავმჯდომარემ, მაია ბითაძემ.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო