„ენერგო-პრო ჯორჯიას“ აბიტურიენტებისთვის, რომლებიც პროფესიული სასწავლებლებისა და კოლეჯების ელექტრობის მიმართულების სტუდენტები გახდებიან, შეთავაზება აქვს

„ენერგო-პრო ჯორჯიას“, აბიტურიენტებისთვის, რომლებიც პროფესიული სასწავლებლებისა და კოლეჯების ელექტრობის მიმართულების სტუდენტები გახდებიან, შეთავაზება აქვს.

„ენერგო-პრო ჯორჯიას“ ინფორმაციით, სლოგანით #აირჩიესინათლე კომპანია იმ აბიტურიენტებს მიმართავს, რომლებსაც გადაწყვეტილი აქვთ, რომ პროფესიულ სასწავლებლებში ან კოლეჯებში განაგრძონ სწავლა, თუმცა, კონკრეტული პროფესია ჯერ არ აურჩევიათ.

„ენერგო-პრო ჯორჯია“ ჰოლდინგის ადამიანური რესურსების დეპარტამენტის უფროსის გიორგი ტრაპაიძის განცხადებით, წარმატებულ სტუდენტებს კომპანია სტიპენდიასაც დაუნიშნავს.

„წარმატებულ სტუდენტებს კომპანია დაუნიშნავს სტიპენდიებს, სწავლების ბოლოსკენ ანაზღაურებად სტაჟირებას გაივლიან ჩვენთან და დასრულების შემდეგ ისინი დასაქმების შეთავაზებას მიიღებენ. ჩვენი ინფორმაციით, პროფესიულ სასწავლებლებში და კოლეჯებში სწავლის მსურველების რეგისტრაცია უკვე დაწყებულია“, - განაცხადა გიორგი ტრაპაიძემ.

მისივე თქმით, აქცენტი გენდერულ საკითხებზეც გაკეთდება. როგორც მან აღნიშნა, იმ შემთხვევაში, თუ გოგონები ჩააბარებენ ელექტრობის მიმართულებაზე, კომპანია მათ უპირობოდ შესთავაზებს აღნიშნულ სტიპენდიას.

„ენერგეტიკის დარგის პოპულარიზაციის მიზნით, სს ,,ენერგო-პრო ჯორჯია“ მრავალი წელია თანამშრომლობს როგორც პროფესიულ სასწავლებლებთან და კოლეჯებთან ისე უმაღლეს სასწავლებლებთან. პერიოდულად ფორმდება მემორანდუმები მათთან. კომპანიის წარმომადგენლები, საჯარო თუ კერძო სკოლებში ატარებენ არაფორმალურ გაკვეთილებს, სადაც მოზარდებისთვის გასაგებ ენაზე ხდება დარგის წარდგენა. ჩვენ გვსურს, რომ მომავალმა თაობამ აირჩიოს ენერგეტიკის პროფესია, რადგან უკვე არსებული ადამიანური რესურსის დეფიციტი კიდევ არ გაღრმავდეს. ამისთვის მუშაობა კიდევ გაგრძელდება და მომავალი სტუდენტები ,,ენერგო-პრო ჯორჯიასგან“ სხვადასხვა შეთავაზებას მომავალშიც აქტიურად მიიღებენ“, - განაცხადა გიორგი ტრაპაიძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე