გიორგი ამილახვარმა ევროკომისიის კვლევისა და განვითარების საკითხებში გენერალურ დირექტორთან სამეცნიერო-კვლევითი მიმართულებით თანამშრომლობის გაღრმავების საკითხები განიხილა

საქართველოს განათლებისა და მეცნიერების მინისტრი გიორგი ამილახვარი მინისტრის რანგში პირველი სამუშაო ვიზიტით ბრიუსელში იმყოფება.

განათლებისა და მეცნიერებს სამინისტროს ინფორმაციით, ვიზიტის ფარგლებში მინისტრმა შეხვედრა გამართა ევროკომისიის კვლევისა და განვითარების საკითხებში გენერალური დირექტორიატის გენერალურ დირექტორთან მარკ ლემეტრთან.

გიორგი ამილახვარმა მადლობა გადაუხადა ევროკომისიას საქართველოს მხარდაჭერისთვის და ევროკავშირის საგრანტო პროგრამა Horizon Europe-ის მნიშვნელობაზე გაამახვილა ყურადღება. მხარეებმა იმსჯელეს Horizon Europe-ში მეტი ქართველი მეცნიერის ჩართვისთვის ერთობლივი ხელისშემწყობი მექანიზმების შემუშავებაზე.

საუბარი, ასევე შეეხო საქართველოში სამეცნიერო-კვლევითი ინსტიტუტებისა და ინოვაციური ეკოსისტემის გაძლიერების შესაძლებლობებს, რათა გაიზარდოს ევროპის ინოვაციების საბჭოს პროგრამის ფარგლებში გამოცხადებულ კონკურსებში ქართველ მეცნიერთა და ინოვატორთა წარმატების მაჩვენებელი.

შეხვედრისას გიორგი ამილახვარმა ევროკომისიის კვლევისა და განვითარების საკითხებში გენერალურ დირექტორს ქუთაისის საერთაშორისო უნივერსიტეტისა და ადრონული თერაპიის ცენტრის შესახებ მიაწოდა ინფორმაცია და განაცხადა, რომ ფონდ „ქართუს“ დაფინანსებით ქუთაისის საერთაშორისო უნივერსიტეტის ბაზაზე შენდება ადრონული თერაპიის ცენტრი. მისი თქმით, სამეცნიერო-კვლევითი პროცესისთვის ადრონული თერაპიის ცენტრის ულტრათანამედროვე ციკლოტრონები სიმსივნური დაავადებების პროტონული თერაპიის აპარატურის მწარმოებელ მსოფლიოს წამყვან კომპანიაში (IBA) უკვე აეწყო.

შეხვედრაზე მინისტრმა განაცხადა, რომ ქუთაისის საერთაშორისო უნივერსიტეტი დაინტერესებულია ადრონული თერაპიის ცენტრის ევროპის კვლევითი ინფრასტრუქტურის კონსორციუმის (ERIC) წევრის სტატუსის მოპოვებით. გიორგი ამილახვარმა ამ პროცესში ევროპელი კოლეგების სრული მხარდაჭერის იმედი გამოთქვა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე