საქართველოს ტექნიკურმა უნივერსიტეტმა აბიტურიენტებისთვის მათემატიკის იმიტირებული ეროვნული გამოცდა ჩაატარა

საქართველოს ტექნიკურმა უნივერსიტეტმა, სპეციალურად ორგანიზებულ საუნივერსიტეტო საგამოცდო სივრცეში, მათემატიკის იმიტირებული ეროვნული გამოცდა ჩაატარა, რომელშიც მონაწილეობა 210-მა აბიტურიენტმა მიიღო. ინფორმაციას საქართველოს ტექნიკური უნივერსიტეტი ავრცელებს.

უნივერსიტეტის ცნობით, იმიტირებული გამოცდის ორგანიზატორებმა - სტუ-ის ინფორმატიკისა და მართვის სისტემების ფაკულტეტმა და საუნივერსიტეტო საგამოცდო ცენტრმა, აბიტურიენტებს შეფასებისა და გამოცდების ეროვნული ცენტრის მიერ ოფიციალურად გამოქვეყნებული საგამოცდო ტესტების ნიმუშების მიხედვით მომზადებული მათემატიკის იმიტირებული ტესტები შესთავაზეს.

საქართველოს ტექნიკური უნივერსიტეტის რექტორის, აკადემიკოს დავით გურგენიძის განცხადებით, მათემატიკის იმიტირებულ გამოცდაში მონაწილეობა აბიტურიენტებს ეროვნული გამოცდების დაწყებამდე სუსტი და ძლიერი მხარეების სათანადოდ შეფასებისა და ფსიქოლოგიურად კარგად მომზადების შესაძლებლობას მისცემს.

„საქართველოს ტექნიკურმა უნივერსიტეტმა დაინტერესებულ აბიტურიენტებს შესაძლებლობა მისცა, მონაწილეობა მიეღოთ მათემატიკის მოდელირებულ გამოცდაში, რომელიც ეროვნული გამოცდის სრული ანალოგია. ტესტების მომზადება უნივერსიტეტის მათემატიკის დეპარტამენტის პროფესორ-მასწავლებლებლებთან ერთად, ჩვენმა მაგისტრანტებმა და დოქტორანტებმა ოფიციალური საგამოცდო ტესტების ნიმუშების მიხედვით უზრუნველყვეს, იმის გათვალისწინებით, რომ მათემატიკა და STEM საგნები უმნიშვნელოვანესი და წამყვანია ჩვენი უნივერსიტეტისთვის. პროექტი საშუალებას აძლევს აბიტურიენტებს, ეროვნული გამოცდების დაწყებამდე რეპეტიცია გაიარონ, იხილონ ტესტის სრული ფორმატი და შეასრულონ საგამოცდო დავალება განსაზღვრულ დროში, გამოცდის მეთვალყურეთა ზედამხედველობით. ვფიქრობთ, მათემატიკის გამოცდის იმიტაციის საუნივერსიტეტო პროექტში მონაწილეობა არა მხოლოდ საინტერესო, არამედ მნიშვნელოვანი და სასარგებლო აღმოჩნდება აბიტურიენტთა სათანადოდ მომზადებისთვის, იმდენად, რამდენადაც, ისინი შეძლებენ კარგად განსაზღვრონ საკუთარი სუსტი და ძლიერი მხარეები და ამასთან ერთად, ფსიქოლოგიურადაც მოემზადონ. საქართველოს ტექნიკური უნივერსიტეტი წარმატებას უსურვებს ყველა ახალგაზრდას, ვინც წლევანდელ ეროვნულ გამოცდებში მონაწილეობასა და ცხოვრების ახალი ეტაპის დაწყებას გეგმავს“, - აცხადებს რექტორი დავით გურგენიძე.

როგორც სტუ-ის ინფორმატიკისა და მართვის სისტემების ფაკულტეტის დეკანი, პროფესორი თამარ ლომინაძე აღნიშნავს, მათემატიკის იმიტირებულ გამოცდაში მონაწილეობისა და ონლაინ რეგისტრაციის შესახებ ინფორმაცია საქართველოს ტექნიკურმა უნივერსიტეტმა მიმდინარე წლის 23 მაისს გამოაქვეყნა. დეკანის თქმით, რეგისტრაცია 10 ივნისს დასრულდა და მასში მონაწილეობის სურვილი 347 აბიტურიენტმა გამოთქვა, ხოლო იმიტირებულ გამოცდაზე 210 გამოცხადდა. როგორც თამარ ლომინაძე აცხადებს, მათემატიკაში იმიტირებული ეროვნული გამოცდის შედეგები - გასწორებული ნაშრომები - საქართველოს ტექნიკურმა უნივერსიტეტმა ყველა მონაწილეს ინდივიდუალურად გაუგზავნა.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა