პროკურორი - სერგო შუბითიძემ დაადასტურა, რომ გამოძიებას და სასამართლოს ცრუ ჩვენება მიაწოდა

პროკურორ მარი მეშველიანის განცხადებით, გარდაცვლილი პროგრამისტის, თამარ ბაჩალიაშვილის საქმეზე ყოფილმა გამომძიებელმა, სერგო შუბითიძემ დაადასტურა, რომ გამოძიებას და სასამართლოს ცრუ ჩვენება მიაწოდა.

მისი თქმით, გამოძიებით დადასტურდა, რომ თითოეული ის ინფორმაცია, რაც ბრალდებულმა სასამართლოში მოწმის სახით დაკითხვისას განაცხადა, სიცრუე იყო.

პროკურორის ინფორმაციით, ბრალდების მხარე სასამართლოს აღკვეთის ღონისძიების სახით პატიმრობის გამოყენების შუამდგომლობით მიმართავს.

„ბრალდებული აღიარებს დანაშაულს. მან დაადასტურა, რომ გამოძიებას და სასამართლოს მიაწოდა ცრუ ჩვენება. მას ბრალდება მოწმის მიერ მართლმსაჯულებისთვის ხელის შეშლის მიზნით ცრუ ჩვენების მიცემის ფაქტზე აქვს წარდგენილი. საქმეზე ჩატარებული გამოძიებით უტყუარად დადასტურდა, რომ თითოეული ის ინფორმაცია, რაც ბრალდებულმა განაცხადა სასამართლოში მოწმის სახით დაკითხვისას იყო სიცრუე და არ შეესაბამებოდა რეალობას. როგორც ბრალდებულმა განმარტა, მან თქვა რომ დეტალურ ინფორმაციას მიაწვდის სასამართლოს. პროკურატურა სასამართლოს მიმართავს აღკვეთის ღონისძიების სახით პატიმრობის გამოყენების შუამდგომლობით, ვინაიდან, არსებობს აღკვეთის ღონისძიების სახით პატიმრობის გამოყენების როგორც ფაქტობრივი, ასევე ფორმალური საფუძვლები“,- აცხადებს მეშველიანი.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო