სანდრო რაქვიაშვილი - რაც პარლამენტში „ნაციონალური მოძრაობის“ და მასთან აფილირებული ხალხის მიერ ხდება, მე რომ გავაკეთო, ცოცხალი ვერ გადავრჩებოდი - ვითომ რადიკალები არიან, პირიქით „ოცნების“ „გამპრავებლები“ არიან

რაც ზოგადად, პარლამენტში „ნაციონალური მოძრაობის“ ან მასთან აფილირებული ხალხის მიერ ხდება, მე რომ გავაკეთო, ცოცხალი ვერ გადავრჩებოდი, - ამის შესახებ "გირჩის" დეპუტატმა, სანდრო რაქვიაშვილმა „პალიტრანიუსის“ გადაცემაში „360 გრადუსი“ განაცხადა.

მან აღნიშნა, რომ „ნაციონალური მოძრაობა“ ისეთ რაღაცებს აკეთებს, რომელიც სხვა პარტიას არასდროს ეპატიება.

„თუ გადავხედავთ ზოგადად, ოპოზიციურ ფლანგზე, რა ხდება ხოლმე, „ნაციონალური მოძრაობა“ ისეთ რაღაცებს აკეთებს, რომელიც სხვა პარტიას არასდროს ეპატიება. დაწყებული იუსტიციის საბჭოს წევრები რომ აარჩევინეს „ნაციონალური მოძრაობის“ ფრაქციის წევრებმა, დღეს თაკო ჩარკვიანი გამწარებით იცავდა საავტორო უფლებების შესახებ „ქართული ოცნების“ კანონს და ასეთი უამრავია. ის, რაც ხდება ზოგადად, პარლამენტში „ნაციონალური მოძრაობის“ ან მასთან აფილირებული ხალხის მიერ, მე რომ გავაკეთო, ცოცხალი ვერ გადავრჩებოდი. ეს ყოველთვის კითხვებს აჩენს, მეტიც, უბრალოდ, ახლა, რაც ქვეყანაში ხდება, მეორე სასესიო კვირაა, ორშაბათობით ერთი მეორეზე უარესი კანონების წარმოუდგენელი რაოდენობა შემოდის“, - განაცხადა რაქვიაშვილმა.

მისი თქმით, ოპოზიციის ნაწილი, რომელიც ვითომ „ძალიან რადიკალები“ არიან, ხელისუფლების „გამპრავებლები“ არიან თავისი ქცევით და განცხადებებით.

„არც ნაციონალური მოძრაობის“ დეპუტატები იყვნენ განსაკუთრებით წინააღმდეგი ჯანდაცვის კანონის შემთხვევაში, ეს ხომ ძალიან უცნაურად გამოიყურება? ამიტომ, ეს არის პრობლემა. სრული მარაზმი ხდება. ერთი მეორეზე უარესი კანონპროექტი შემოდის და რომ გადაიხედო ოპოზიციის ფლანგზე, ვითომ ძალიან რადიკალები არიან, „თავს იკლავენ“ და მთელი ამბავი, პირიქით, ამათი „გამპრავებლები“ არიან თავისი ქცევით თუ არა განცხადებებით. ზოგჯერ განცხადებებითაც, ზოგჯერ ღილაკის დაჭერითაც. ეს მგონი ძალიან სერიოზული პრობლემაა და ამაზე საკმარისი დისკუსია არ მიდის“, - განაცხადა რაქვიაშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე