კონკურს „გახდი საბავშვო ბესტსელერის ავტორი 2023-ის“ გამარჯვებულები ცნობილია
გამომცემლობა „პალიტრა L-ის“ ლიტერატურული კონკურსის „გახდი საბავშვო ბესტსელერის ავტორი 2023-ის“ გამარჯვებულები ცნობილია.
გამარჯვებული ჟიურიმ რამდენიმეთვიანი მუშაობის შედეგად გამოავლინა. პირველ ტურში გამომცემლობამ ჯამში 118 მსურველის განაცხადი მიიღო, საიდანაც მოკლე სიაში 35 ავტორი შეირჩა, საბოლოოდ გამარჯვებული კი 6 რჩეული ავტორი გახდა:
- ულიანა მესხი
- თამარ შალუაშვილი
- ქეთევან დეკანოსიძე
- ნინო ქადაგიძე
- გვანცა ასათიანი
- სოფია ბარშოვა
ავტორები მენტორებთან ერთად ნამუშევრების სრულყოფაზე დაიწყებენ მუშაობას, მიმდინარე წლის ბოლოს კი „პალიტრა L-ი“ მათ წიგნებს გამოსცემს და პატარა მკითხველს შესაძლებლობა მიეცემა, ახალი პერსონაჟები და მათი საინტერესო ისტორიები აღმოაჩინოს.
Ambebi.ge თავის მკითხველს ახალი გამარჯვებულებისა მათი ნამუშევრების შესახებ უფრო დეტალურად მთელი ზაფხულის განმავლობაში უამბობს.
კონკურსი „გახდი საბავშვო ბესტსელერის ავტორი“ 2021 წლიდან ტარდება და მისი მიზანი საბავშვო ლიტერატურის პოპულარიზაცია და ახალი ქართველი ავტორების ხელშეწყობაა. გასულ წლებში გამარჯვებული ავტორების ნამუშევრები დღემდე გამომცემლობა „პალიტრა L-ის“ ბესტსელერთა სიაშია.
(R)
v-if="article.gallery" v-html="article.gallery"
