მარიამ ლაშხი ოპოზიციას - კარგად უნდა გაიაზროთ, რომ ნატო-სთან და ევროკავშირთან დაახლოება რომელიმე პარტიის კუთვნილება ან ექსკლუზიური უფლება არ არის

აღმაშფოთებელია თქვენი დაუოკებელი სურვილი სანქციების ქვეშ მოაქციოთ ქვეყანა. წარმოუდგენელი ბოროტებაა, რომელიც ვერ გამართლდება ვერანაირი პოლიტიკური პოზიციით, - ასე მიმართა საგარეო ურთიერთობათა კომიტეტის თავმჯდომარის პირველმა მოადგილემ მარიამ ლაშხმა ოპოზიციას პარლამენტის პლენარულ სხდომაზე.

მისი თქმით, ნატო-სთან და ევროკავშირთან დაახლოება არ არის რომელიმე პარტიის კუთვნილება ან ექსკლუზიური უფლება.

„კიდევ ერთხელ მინდა მოვუწოდო ოპოზიციას სახელმწიფოებრივად აზროვნებისკენ. კარგად უნდა გაიაზროთ, რომ ნატო-სთან და ევროკავშირთან დაახლოება არ არის რომელიმე პარტიის კუთვნილება ან ექსკლუზიური უფლება. ჩვენ გვინდა, რომ ქვეყანაში იყოს სტაბილურობა, განვითარება და კეთილდღეობა. ამ ქვეყანაში ჩვენი შვილები ცხოვრობენ და ჩვენი შთამომავლები და ერთიანად უნდა ვიზრუნოთ მათ კეთილდღეობაზე", - განაცხადა ლაშხმა.

მარიამ ლაშხის განცხადებით, ევროკავშირი საქართველოსთვის კონსტიტუციური ნორმაა და ერთ-ერთი უმთავრესი საგარეო პოლიტიკური პრიორიტეტი.

მისივე თქმით, საქართველო უმნიშვნელოვანესი ადამიანური რესურსით არის ჩართული ევროკავშირის საგარეო პოლიტიკური დღის წესრიგის განხორციელებაში და მონაწილეობას იღებს ერთიანი უსაფრთხოებისა და თავდაცვის პოლიტიკის (CSDP) ეგიდით წარმოებულ მისიებში. ლაშხის განცხადებით, ქვეყნის დელეგაციამ ამ ეტაპზე ევროპის 15-ზე მეტი დედაქალაქი მოიარა მხარდაჭერის მოპოვებისათვის, ასევე უმასპინძლა მაღალი რანგის დელეგაციებს, რაც მათი მხრიდან მხარდაჭერის ნათელი დემონსტრირებაა.

„ამ დროს, სამწუხაროა ის ფაქტი, რომ იმის ნაცვლად რომ ამ შეხვედრებზე მთავარი აქცენტი საქართველოს პროგრესსა და ჩვენს დამსახურებულ წევრობაზე იყოს, ეფექტურად გამოვიყენოთ დარჩენილი პერიოდი ისტორიული პასუხის მიღებისათვის, შეხვედრის ნაწილი ეთმობა ოპოზიციის მიერ წარმოებული აგრესიული დეზინფორმაციის კამპანიის ახსნა-განმარტებას, იმ ყალბი ე.წ. შავი ხვრელების, სანქციების, ფრენების თუ სხვა დამაზიანებელი ინფორმაციების გაქარწყლებას. თქვენი ინტელექტის სრულ კრახს შაბათს გაპრიგოჟინების სამარცხვინო კამპანიაც დაემატა", - მიმართა მარიამ ლაშხმა ოპოზიციას.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე