დავით სონღულაშვილი საქართველოში ირანის ისლამური რესპუბლიკის ელჩს მაჰმუდ ადიბს შეხვდა

პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, დავით სონღულაშვილმა საქართველოში ირანის ისლამური რესპუბლიკის ელჩთან, მაჰმუდ ადიბთან შეხვედრა გამართა. ამის შესახებ ინფორმაციას პარლამენტის პრესსამსახური ავრცელებს.

მათი ცნობით, მხარეებს შორის განხილვის ერთ-ერთი მთავარი თემა იყო ირანსა და საქართველოს შორის სავაჭრო მარშრუტები.

„მხარეებმა ისაუბრეს ირანისა და საქართველოს გავლით აზიისა და ევროპის დამაკავშირებელი გზის შექმნის პოტენციალზე. აღნიშნეს რაოდენ მნიშვნელოვანია ეს პროექტი ქვეყნების ეკონომიკის განვითარებასა და ეკონომიკური თანამშრომლობის კუთხით.

შეხვედრის კიდევ ერთი მნიშვნელოვანი საკითხი იყო საქართველოდან ირანში ხორცისა და მარცვლეულის ექსპორტის შესაძლებლობების შესწავლა. მხარეებმა იმსჯელეს სოფლის მეურნეობის დარგში ორმხრივად მომგებიანი ვაჭრობის შესაძლებლობებზე. შეხვედრაზე ითქვა, რომ საქართველოს ხარისხიანი პროდუქციისა და ირანის ბაზრის მოთხოვნების კაპიტალიზაციით, შესაძლებელია სოფლის მეურნეობის ხელშეწყობა და ორმხრივი სავაჭრო და ეკონომიკური კავშირების განვითარება.

კომიტეტის თავმჯდომარემ და ელჩმა ასევე ისაუბრეს უმაღლესი სასწავლებლების დიპლომების აღიარების პროცესის დაჩქარებაზე, რაც ხელს შეუწყობს განათლების სისტემის განვითარებას და ირანელ და ქართველ ხალხს შორის საგანმანათლებლო ურთიერთობების გაუმჯობესებას.

დავით სონღულაშვილმა და მაჰმუდ ადიბმა ხაზი გაუსვეს ორ ქვეყანას შორის მეგობრობის, თანამშრომლობისა და ეკონომიკური პარტნიორობის მნიშვნელობას. ელჩმა საქართველოს ტერიტორიული მთლიანობის მიმართ ირანის ისლამური რესპუბლიკის მხარდაჭერა დაადასტურა“,- ნათქვამია ინფორმაციაში.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო