ადამიანის უფლებათა ცენტრმა „სავარაუდოდ პოლიტიკურად მოტივირებული საქმეების სასამართლო პროცესების მონიტორინგის ანგარიში“ გამოაქვეყნა
ადამიანის უფლებათა ცენტრმა შემაჯამებელი ანგარიში გამოაქვეყნა, რომელიც 2022 წლის 1-ელი ივლისიდან 2023 წლის 25 ივნისამდე სავარაუდო პოლიტიკური მოტივით მიმდინარე 21 სისხლის სამართლის, 3 სამოქალაქო სამართლის, 7 ადმინისტრაციულ სამართალდარღვევათა საქმის და სასჯელის გადავადებასთან დაკავშირებული ერთი შუამდგომლობის განხილვის მონიტორინგის შედეგებს ასახავს.
ადამიანის უფლებათა ცენტრის ცნობით, მონოტირინგის შედეგების თანახმად, კვლავ აქტუალურია სამართლიანი სასამართლოს როგორც ეროვნული, ისე საერთაშორისო სტანდარტების დაცვის კუთხით არსებული პრობლემები.
„საანგარიშო პერიოდის დასაწყისიდან იმატა პოლიტიკური პარტიებისა და სამოქალაქო საზოგადოების წარმომადგენლების მიმართ სავარაუდოდ პოლიტიკურად მოტივირებული სასამართლო პროცესების რაოდენობამ, როგორც ადმინისტრაციულ, ასევე სისხლის სამართლის საქმეებზე. მათ შორისაა: ნიკა გვარამიას საქმე, მიხეილ სააკაშვილის წინააღმდეგ მიმდინარე საქმეები, ივერი მელაშვილის და ნატალია ილიჩოვას (ე. წ. კარტოგრაფების) საქმე, ზურაბ გირჩი ჯაფარიძისა და ნიკა მოსიაშვილის, გიორგი მუმლაძის ადმინისტრაციულ სამართალდარღვევათა საქმეები და სხვ.“, - აღნიშნულია ინფორმაციაში.
ანგარიში სრულად.
v-if="article.gallery" v-html="article.gallery"
