ნარკოდანაშაულის ბრალდებით დაკავებულებს შორის არიან ქალები და ერთი არასრულწლოვანი, - ამის შესახებ შსს-ს ცენტრალური კრიმინალური პოლიციის დეპარტამენტის დირექტორმა თეიმურაზ კუპატაძემ დღეს გამართულ ბრიფინგზე განაცხადა.

თეიმურაზ კუპატაძის ინფორმაციით, ნარკოტიკული საშუალების უკანონო შეძენა-შენახვის, გასაღების, გასაღების მცდელობის და საქართველოში უკანონოდ შემოტანის ბრალდებით დაკავებული არიან, როგორც საქართველოს ასევე, გერმანიის, უკრაინის, თურქეთის, რუსეთის ფედერაციის, ნიგერიის, ინდოეთის და ირანის მოქალაქეები.

„შინაგან საქმეთა სამინისტროსთვის კვლავ ერთ-ერთ პრიორიტეტად რჩება ნარკოდანაშაულებთან ბრძოლა და ნარკოტიკების გამსაღებლების მიმართ კანონით გათვალისწინებული ზომების გატარება.

პოლიციის მიერ ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით, 52 პირია დაკავებული, მათ შორის 37 ნარკორეალიზატორია. დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის, გასაღების, გასაღების მცდელობის და საქართველოში უკანონოდ შემოტანის ბრალდებით დაკავებული არიან, როგორც საქართველოს ასევე, გერმანიის, უკრაინის, თურქეთის, რუსეთის ფედერაციის, ნიგერიის, ინდოეთის და ირანის მოქალაქეები. დაკავებულებს შორის არიან ქალები და ერთი არასრულწლოვანი“, - განაცხადა თეიმურაზ კუპატაძემ.