„საქართველოს ბანკმა“ და სტარტაპ გრაინდმა SVB Capital-ის თანადამფუძნებელთან, არონ გერშენბერგთან შეხვედრა გამართეს

„საქართველოს ბანკმა“ და სტარტაპ “გრაინდმა” SVB Capital-ის თანადამფუძნებელთან, არონ გერშენბერგთან შეხვედრა გამართეს. ამის შესახებ ინფორმაციას „საქართველოს ბანკი“ ავრცელებს.

როგორც გავრცელებულ ინფორმაციაში აღნიშნავენ, „საქართველოს ბანკი“, როგორც ძლიერი კერძო ფინანსური ინსტიტუტი, განაგრძობს ქვეყანაში სტარტაპ ეკოსისტემის განვითარებაზე მიმართული ინიციატივების მხარდაჭერას და დამწყები ბიზნესებისთვის ახალი შესაძლებლობების შექმნას.

„აღნიშნული მიზნით, „საქართველოს ბანკის“ მხარდაჭერით და სტარტაპ „გრაინდის“ ინიციატივით, „ქორთიარდ მარიოტში“ SVB Capital-ის თანადამფუძნებელთან, არონ გერშენბერგთან (Aaron Gershenberg) შეხვედრა გაიმართა.

SVB Capital მსოფლიოში ერთ-ერთი წამყვანი ვენჩურული კაპიტალის (Venture Capital) კომპანიაა, რომელიც გლობალურად ტექნოლოგიურ სტარტაპებში ინვესტიციას ახორციელებს. ორგანიზაციისგან მიღებული დაფინანსების შედეგად კი ტექ კომპანიებმა სწრაფად მოახდინეს ლოკალურ და საერთაშორისო ბაზარზე მასშტაბირება“,- აღნიშნულია ინფორმაციაში.

მათივე ცნობით, შეხვედრის ფარგლებში არონ გერშენბერგმა კორპორაციებისთვის ინოვაციურ ეკონომიკაზე წვდომის ხელშეწყობის შესახებ ისაუბრა. შეხვედრა კითხვა-პასუხის რეჟიმში გაიმართა, დამსწრე საზოგადოებას ჰქონდა შესაძლებლობა, საერთაშორისო დონის წამყვანი ინვესტორისგან მიეღო რჩევები მათთვის საინტერესო საკითხებზე.

როგორც „საქართველოს ბანკის“ ციფრული საბანკო ეკოსისტემის მიმართულების ხელმძღვანელი, გიორგი კინწურაშვილი აღნიშნავს, „საქართველოს ბანკი“, როგორც წამყვანი ტექნოლოგიური ბანკი საქართველოში, მიზნად ისახავს ქვეყანაში სტარტაპ ეკოსისტემის განვითარების ხელშეწყობას.

„ შესაბამისად, ჩვენთვის ძალიან მნიშვნელოვანია ისეთი ინიციატივების მხარდაჭერა, რომლებიც მიმართულია დამწყები ბიზნესების გაძლიერებისკენ და ამასთან, საქართველოს, როგორც სტარტაპების ჰაბად პოზიციონირებისკენ. ჩვენ სტარტაპ გრაინდთან ერთად უკვე მრავალი წელია ვახორციელებთ სხვადასხვა ინიციატივას, რომელიც ქართული ტექ ბიზნესების საერთაშორისო სტარტაპ აქსელერატორებისა და ინდუსტრიის ექსპერტების ქსელში ინტეგრაციას ისახავს მიზნად. სტარტაპ გრაინდთან ერთად, ჩვენ ვქმნით შესაძლებლობას სტარტაპებისთვის, ჰქონდეთ წვდომა მსოფლიოს წამყვან ინვესტორებთან, დარგის გლობალურ ექსპერტებთან და პროფესიონალებთან, რათა გაიზიარონ ცოდნა და გამოცდილება, მოიპოვონ დაფინანსება და აღმოაჩინონ განვითარების ახალი შესაძლებლობები, რაც მომავალში მათ ლოკალურ და საერთაშორისო ბაზარზე მასშტაბირებაში დაეხმარება“, - აღნიშნავს გიორგი კინწურაშვილი.

როგორც გავრცელებულ ინფორმაციაშია ნათქვამი, შეხვედრის დასრულების შემდეგ ნეთვორქინგის სესიის ფარგლებში, ღონისძიების მონაწილეები არაფორმალურ გარემოში შეხვდნენ სტარტაპ გრაინდის მიერ მოწვეულ ინვესტორებსა და ინდუსტრიის ექსპერტებს, რამაც შესაძლებლობა მისცა მათ, დაემყარებინათ ახალი და პოტენციური საქმიანი კავშირები.

„ინფორმაციისთვის, არონ გერშენბერგი SVB Capital-ის თანადამფუძნებელი და მმართველი პარტნიორია. ის სპეციალიზდება გლობალურად ვენჩურული კაპიტალის მიერ განხორციელებული ინვესტიციების შეფასებაში, ასევე ქმნის უნიკალურ ღირებულებით შეთავაზებებს იმ ინვესტორებისთვის, რომლებსაც სურთ, ინოვაციურ ეკონომიკაში ჩართვა.

SVB Capital მსოფლიოში ერთ-ერთი წამყვანი ვენჩურული კაპიტალის (Venture Capital) კომპანიაა, რომელიც 20 წელზე მეტია, ინვესტიციას ახორციელებს ინოვაციურ ეკონომიკაში. SVB Capital-ის აქტივები 9.5 მილიარდ აშშ დოლარს აღემატება. მათ მიერ განხორციელებული ინვესტიციები მრავალ, ტექნოლოგიურ ინდუსტრიაში მოქმედ სტარტაპს დაეხმარა ზრდასა და განვითარებაში. მათი პორტფოლიო მოიცავს 700-ზე მეტ Unicorn-სა და 60-ზე მეტ Decacorns-ს“,- აღნიშნულია ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე