პრემიერი - ჩვენს ევროპელ კოლეგებს და მეგობრებს შეხვედრებისას ვარწმუნებ, რომ თუ საქართველოს კანდიდატის სტატუსს არ მიანიჭებენ, ეს ევროკავშირის მხრიდან მორიგი სტრატეგიული შეცდომა იქნება

მე ჩვენს ევროპელ კოლეგებს და მეგობრებს შეხვედრებისას ვარწმუნებ, რომ თუ ისინი საქართველოს ევროკავშირის კანდიდატი ქვეყნის სტატუსს არ მიანიჭებენ, ეს ევროკავშირის მხრიდან მორიგი სტრატეგიული შეცდომა იქნება, - ამის შესახებ საქართველოს პრემიერ-მინისტრმა, ირაკლი ღარიბაშვილმა, პარლამენტის პლენარულ სხდომაზე განაცხადა, სადაც ის მთავრობის წლიურ ანგარიშს წარადგენს.

ღარიბაშვილის განცხადებით, „სტატუსი სიმბოლური მნიშვნელობისაა“, მაგრამ შემდეგი ეტაპისთვის მნიშვნელოვანია.

ამასთან, როგორც პრემიერმა აღნიშნა, 12 ევრორეკომენდაციიდან, ფაქტობრივად, 11 უკვე შესრულებულია და იმედს გამოთქვამს, რომ საქართველო წლის ბოლოსთვის ევროკავშირის კანდიდატი ქვეყნის სტატუსს მიიღებს.

„ჩვენმა ევროპელმა კოლეგებმა ღიად, ხმამაღლა თქვეს, რომ საქართველო ევროპული ოჯახის წევრი გახდება. ასეთი ხმამაღალი განაცხადი ჩვენ ბოლო 30 წელის განმავლობაში არ მოგვისმენია. ეს, შეიძლება ითქვას, ნიშნავს რეალურად, ჩვენი გუნდის მუშაობის ძალიან დიდ მიღწევას და დაფასებას, რომელსაც, რა თქმა უნდა, სათანადო აღიარება სჭირდება. რა თქმა უნდა, სტატუსი არის სიმბოლური მნიშვნელობის, მაგრამ აუცილებლად მნიშვნელოვანი შემდეგი ეტაპისთვის. კარგად მოგეხსენებათ, ჩვენმა გუნდმა მაქსიმუმი გააკეთა ყველაფრისთვის. მე ჩემს შეხვედრებში ჩვენს ევროპელ კოლეგებს და მეგობრებს ვარწმუნებ, რომ თუ ისინი [საქართველოს] არ მიანიჭებენ კანდიდატის სტატუსს, ეს იქნება მორიგის სტრატეგიული შეცდომა ევროკავშირის მხრიდან დაშვებული. ამას უბრალოდ ჩვენი ქვეყანა, ჩვენი ხალხი, ჩვენი ხელისუფლება არ იმსახურებს. ჩვენ ბოლო 10 წლის განმავლობაში დავამტკიცეთ, რომ ვართ რეალურად შედეგზე ორიენტირებული ხელისუფლება, რომელსაც ჩვენი მოქალაქეებისთვის რეალური კონკრეტული შედეგები მოაქვს. მინდა გითხრათ, რომ კოლეგების თითქმის აბსოლუტური უმრავლესობა ჩვენს მიერ მიწოდებულ არგუმენტებს იზიარებს,“ - განაცხადა ირაკლი ღარიბაშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე