ირაკლი ღარიბაშვილი - 2012 წლის შემდეგ, სტრასბურგის სასამართლოს საქართველოს პენიტენციური სისტემიდან ერთი საქმეც არ მიუღია წარმოებაში, 2012-მდე საშინელება ხდებოდა, ჯოჯოხეთი იყო მოწყობილი

ადამიანის უფლებათა ევროპული სასამართლოს სტატისტიკის მიხედვით, სტრასბურგის სასამართლოს 2012 წლის შემდეგ საქართველოს პენიტენციური სისტემიდან ერთი საქმეც კი არ მიუღია წარმოებაში, 2012-მდე საშინელება ხდებოდა, ჯოჯოხეთი იყო მოწყობილი, - ამის შესახებ საქართველოს პრემიერ-მინისტრმა ირაკლი ღარიბაშვილმა პარლამენტში განაცხადა.

მთავრობის მეთაურის თქმით, ოპოზიცია ევროპაში მოსყიდულ ლობისტებთან ერთად, ჩვენი ქვეყნის ინტერესების დასაზიანებლად არნახულ კამპანიას ეწევა მაშინ, როცა ქვეყანა ძალიან დიდი ცვლილების, ტრანსფორმაციის ეპოქაში იმყოფება.

„რაც მთავარია, უფრო მეტი თვალსაჩინოებისთვის, მე მინდა კიდევ ერთი არგუმენტი და ფაქტი მოგიყვანოთ. აი, ამ რეფორმების ეფექტიანობაზე, ეფექტიანობის ყველაზე მკაფიო მაჩვენებელი, ძვირფასო დეპუტატებო, არის ადამიანის უფლებათა ევროპული სასამართლოს სტატისტიკა, რომელსაც ვერავინ გააყალბებს და შეუძლებელია ამით მანიპულირება. ამ სტატისტიკის მიხედვით, სტრასბურგის სასამართლოს საქართველოს პენიტენციური სისტემიდან ერთი საქმეც კი არ მიუღია წარმოებაში 2012 წლის შემდეგ. 2012-მდე საშინელება ხდებოდა, ჯოჯოხეთი იყო მოწყობილი, ჯოჯოხეთი პირდაპირ. ეს ადამიანები ჩადიან ევროპაში, თავიანთ მოსყიდულ ლობისტებთან ერთად, არნახულ კამპანიას ეწევიან ჩვენი ქვეყნის ინტერესების დასაზიანებლად. თან ასეთ ვითარებაში, როცა ჩვენ ვიმყოფებით ისტორიულ, მე ვიტყოდი ძალიან დიდი ცვლილების, ტრანსფორმაციის ეპოქაში. ასეთ დროს, თუ ვინმე აკეთებს ანტიქართულ საქმეს, ეს არის ჩვენი განადგურებული ოპოზიცია. კიდევ ვიმეორებ, ეს არის თქვენი სახე, თქვენს ქმედებაში არის გამოხატული თითოეული ანტიქართული ქმედება”, - განაცხადა პრემიერ-მინისტრმა.

პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ქართული პრესის მიმოხილვა 06.02.2025
გიორგი ანთაძე - მინიმალური დემოკრატიული სტანდარტებიც კი საფრთხეშია
კახა ოქრიაშვილი „ოცნებას“ - თქვენს კოლექტიურ შიზოფრენიას უნდა გადააყოლოთ ქვეყანა? - შემოდგომაზე არჩევნები გარდაუვალია!
GM PHARMA-ში ახალი მედიკამენტების კვლევა-განვითარება აქტიურად გრძელდება
თბილისის საერთაშორისო სტანდარტის ყინულის არენაზე, "ბაკურიანი 2025"-ის ფარგლებში, ყინულის ჰოკეიში მოასპარეზე გოგონათა გუნდების ოფიციალური ვარჯიში გაიმართა
„სილქნეტმა” „დაჭრილ მებრძოლთა თანადგომის ფონდის“ 2024 წლის საქმიანობის ანგარიში წარადგინა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო