მაუწყებლის მიერ სიძულვილის ენის, ტერორიზმისკენ მოწოდებისა და ე.წ. პასუხის უფლების რეგულირებას კომუნიკაციების მარეგულირებელი კომისია აღარ მოახდენს - ცვლილებები პარლამენტმა მესამე მოსმენით დაამტკიცა

მაუწყებლის მიერ სიძულვილის ენის, ტერორიზმისკენ მოწოდებისა და ე.წ. პასუხის უფლების რეგულირებას კომუნიკაციების მარეგულირებელი კომისია აღარ მოახდენს.

პარლამენტმა, მესამე მოსმენით, მხარი დაუჭირა “მაუწყებლის შესახებ“ კანონში დაგეგმილ ცვლილებებს, რომლის საფუძველზეც კანონის შესაბამისი მოთხოვნების დარღვევისათვის დადგენილი პასუხისმგებლობა უქმდება.

კანონით გათვალისწინებული ნორმების, ეთიკური ნორმებისა და პროფესიული სტანდარტების დარღვევაზე რეაგირება შეიძლება მხოლოდ თვითრეგულირების მექანიზმის ფარგლებში განხორციელდეს.

ამ თვალსაზრისით, “მაუწყებლის შესახებ“ კანონში 2022 წლის დეკემბერში განხორციელებული ცვლილებების კორექტირება მოხდა.

ამავე პროექტის გათვალისწინებით, მსუბუქდება პასუხისმგებლობა არასრულწლოვანთათვის შეუფერებელი პროგრამების ეთერში გადაცემისთვის. კერძოდ, აღნიშნული დარღვევისთვის პირველივე შემთხვევაში მაუწყებლებს ჯარიმის ნაცვლად, დაეკისრებათ წერილობითი გაფრთხილება იმგვარად, როგორც ეს არის დაწესებული “მაუწყებლობის შესახებ" კანონის სხვა მოთხოვნების დარღვევისთვის.

ჯარიმის დაკისრება მხოლოდ პირველ შემთხვევაზე არ მოხდება. ყოველი მომდევნო დარღვევა კი დაჯარიმებას გამოიწვევს.

როგორც პროექტის ინიციატორები განმარტავენ, კანონპროექტის მიღებით ევროპის საბჭოს ადამიანის უფლებათა და კანონის უზენაესობის გენერალური დირექტორატის დასკვნაში მითითებული ხარვეზები აღმოფხვრა მოხდა.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა