გრიგოლ რობაქიძის სახელობის უნივერსიტეტის სტუდენტებმა ფრანკოფონიის საუნივერსიტეტო სააგენტოს კონკურსში წარმატებით იასპარეზეს
გრიგოლ რობაქიძის სახელობის უნივერსიტეტის ჟურნალისტიკის მიმართულების სტუდენტებმა ფრანკოფონიის საუნივერსიტეტო სააგენტოს კონკურსში წარმატებით იასპარეზეს. ამის შესახებ ინფორმაციას გრიგოლ რობაქიძის სახელობის უნივერსიტეტი ავრცელებს.
მათივე ცნობთ, კონკურსანტებს ევალებოდათ ფრანგული ენის შესასწავლი თამაშების შექმნა და ფრანგულ ენაზე წარდგენა.
„სააგენტომ შეაჯამა შედეგები და საუკეთესო მონაწილეებად დაასახელა გრუნის სამი სტუდენტი: კესო მანჩხაშვილი, მარიამ ბასილაძე და სალომე ონეზაშვილი.
ფრაკოფონიის საუნივერსიტეტო სააგენტოს (AUF) რეგიონულმა დირექტორმა მოჰამედ კეტატამ გამარჯვებულ სტუდენტებს პირადად გადასცა დიპლომები ფრანგულ ენაზე შექმნილი საუკეთესო პრეზენტაციისთვის.
ვულოცავთ პირველკურსელ სტუდენტებს ამ წარმატებას!
გრიგოლ რობაქიძის სახელობის უნივერსიტეტი ათი წელია წარმატებით ახორციელებს ფრანგული ენის გაძლიერებული სწავლების კურსს სტუდენტებისათვის და 5 წელია ნაყოფიერად თანამშრომლობს ფრაკოფონიის საუნივერსიტეტო სააგენტოსთან”, - ნათქვამია ინფორმაციაში.
