პრემიერი - შობადობის კუთხით სერიოზული გამოწვევები გვაქვს, პრობლემებია მეგობრებო - ამიტომ თამარ კორძაია იმაზე არ უნდა ფიქრობდეს, რომ ბაღებსა და სკოლებში ლგბტ პროპაგანდა დავიწყოთ, არამედ დააინიციროს პროგრამა: „მინიმუმ, 4 შვილი“

ჩვენ, შობადობის კუთხით სერიოზული გამოწვევები გვაქვს, პრობლემებია მეგობრებო, - ამის შესახებ საქართველოს პრემიერ-მინისტრმა ირაკლი ღარიბაშვილმა პარლამენტში დეპუტატების მიერ დასმულ კითხვებზე პასუხის გაცემისას განაცხადა.

ღარიბაშვილის განმარტებით, ოჯახების გაძლიერების პაკეტს ამუშავებენ.

„ამიტომ, ქალბატონი თამარი [კორძაია] იმაზე არ უნდა ფიქრობდეს, რომ ბაღებში და სკოლებში ლგბტ პროპაგანდა დავიწყოთ, არამედ გამოვიდეს ინიციატივით - მინიმუმ, 4 შვილი - პროგრამა დააინიციროს, ჩვენ მხარს დავუჭერთ ქალბატონ თამარს, თუ ამ პროგრამას ინიცირებას გაუკეთებს. ოჯახების გაძლიერების პაკეტს ვამუშავებთ, ზოგადად, ოჯახის გაძლიერების მიმართულებით უფრო ძლიერი ნაბიჯები უნდა გადავდგათ. ბინების შეძენაში ვეხმარებით და ვასუბსიდირებთ საპროცენტო განაკვეთს, მაგრამ ეს არ არის საკმარისი, გვინდა კომპლექსური პაკეტი წარმოვადგინოთ ოჯახების გაძლიერების, რომ მეტი მოტივაცია გაუჩნდეთ ახალგაზრდა წყვილებს შვილების გაჩენის. კვლევა ჩავატარეთ, ძალიან საინტერესო და ამავდროულად, ძალიან დამამწუხრებელი ტენდენციები გამოიკვეთა. ხშირად, ახალგაზრდა წყვილი სხვადასხვა პირობების გამო, შვილებს არ აჩენენ, ერთ-ერთი მთავარი პრობლემა შეიძლება ბინა იყოს, ამაში შეიძლება ჩვენი დახმარება - გრძელვადიანი კრედიტები, ამ პაკეტს დავამუშავებთ, შეთავაზებებს გავუკეთებთ საზოგადოებას, უნდა დაეხმაროს სახელმწიფო, უფრო აქტიურად უნდა ჩაერიოს“, - განაცხადა ღარიბაშვილმა.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო