პაატა მანჯგალაძე - ღარიბაშვილს ზუსტად 5 საათი ვუსმენდი და ადამიანმა სიძულვილის, შეურაცხყოფის, ზიზღის საკუთარი რეკორდი მოხსნა

ღარიბაშვილს ზუსტად 5 საათი ვუსმენდი და ადამიანმა სიძულვილის, შეურაცხყოფის, ზიზღის საკუთარი რეკორდი მოხსნა, - ამის შესახებ "სტრატეგია აღმაშენებლის" დეპუტატმა, პაატა მანჯგალაძემ პარლამენტში სიტყვით გამოსვლისას განაცხადა, სადაც პრემიერ-მინისტრი ირაკლი ღარიბაშვილი ყოველწლიური მოხსენებით სიტყვით გამოვიდა.

მისი თქმით, ვიდრე ირაკლი ღარიბაშვილი ამ ძალადობის წახალისებით იყო დაკავებული, კასპში ოპოზიციის წარმომადგენლებს თავს დაესხნენ.

„20 წუთი ილაპარაკა საქართველოს განვითარებაზე, გაკეთებულ საქმეებზე, დანარჩენი ოთხსაათ ნახევარი ოპონენტებს ლანძღავდა. როცა ღარიბაშვილი აქ გამოდიოდა ამ სიძულვილის რიტორიკით და უმრავლესობის წევრები ტაშის კვრით, ამ ძალადობის წახალისებით იყავით დაკავებული, კასპში ოპოზიციის წარმომადგენლებს თავს დაესხნენ, მათ შორის არა უბრალო მოქალაქეები, არამედ კასპის საკრებულოს წევრები, კასპის საკრებულოს აპარატის უფროსი. უნდა იცოდეთ მარტივი სტანდარტი, ვინც ძალადობას, ქარს დათესავს, ქარიშხალს მოიმკის და არ გირჩევთ. არ არის ეს ის სტანდარტი, რაც საქართველოს სჭირდება. განა ვერ აგყვებით ამ ცილისწამებასა და ზიზღში, მაგრამ ეს საქართველოს არ სჭირდება. ეს არ არის საქართველოს მოქალაქის დაკვეთა, რომ აქ ჩვენ ერთმანეთს ზიზღის ენით ვესაუბროთ. წულუკიანის სიძულვილის და შეურაცხყოფის რეკორდიც კი მოხსნა“, - განაცხადა მანჯგალაძემ.

როგორც მან აღნიშნა, „ქართული ოცნება“ რუსეთზე მოწიწებით საუბრობს და რუსულ საქმეს აკეთებს.

„რუსობა არ არის, როდესაც დასავლელ პარტნიორებზე, დასავლეთიდან დაფინანსებულ არასამთავრობო ორგანიზაციებზე ამბობთ, რომ საქართველოში სიძულვილის გაღვივება უნდათ, პირდაპირ გეკითხებით, ეს არ არის რუსული საქმე?“, - მიმართა მანჯგალაძემ უმრავლესობას.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო