მიხეილ სარჯველაძე - ოპოზიციის სტრატეგიაც და  ტაქტიკაც უკავშირდება 12-პუნქტიანი გეგმის ხელშეშლას

პრემიერ-მინისტრის წლიური ანგარიში არის სრულყოფილი. არ არსებობს დღეს ქვეყნისთვის საჭირბოროტო საკითხი, რომელიც არ ყოფილა დღეს მიმოხილული. იყო ასევე საუბარი გამოწვევებზე და სამომავლო ხედვებზე, - განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძემ პარლამენტის პლენარულ სხდომაზე, სადაც დეპუტატებმა პრემიერ-მინისტრ ირაკლი ღარიბაშვილს მოუსმინეს.

მისი თქმით, ოპოზიციის მხრიდან პრემიერის ანგარიშთან დაკავშირებით არცერთი საგნობრივი მსჯელობა და ანალიტიკა არ ყოფილა წარმოდგენილი.

„მიჩვეული არიან, სამწუხაროდ, რომ ჰქონდეთ უფლება, ილაპარაკონ სიბინძურე და როდესაც მკაცრად და დამსახურებულად უპასუხებ, მერე ამასაც ჩვენს საწინააღმდეგოდ იყენებენ, თუ რატომ - გვაქვს პასუხი. ოპოზიციის სტრატეგიაც და ტაქტიკაც უკავშირდება 12-პუნქტიანი გეგმის ხელშეშლას", - აღნიშნა მიხეილ სარჯველაძემ.

მისი თქმით, ოპოზიციამ პრემიერ-მინისტრის მოსმენისას ყველაფერი გააკეთა, რომ არ ყოფილიყო საუბარი იმ მნიშვნელოვან წარმატებებზე, რომელიც ქვეყანას დღეს აქვს.

„მათ სურვილი აქვთ, შექმნან მოდელირებული რეალობა, მრუდე სარკეები და მრუდე სარკეებში აყურებინონ საზოგადოებას, რომ თითქოს ქვეყანა არ ვითარდება, წარუმატებელია და ა. შ. იყო აღვირახსნილი პოპულიზმი, როცა გამოვიდნენ და თქვეს, რომ 200 ლარი არ არის საკმარისი სოციალურად დაუცველი ბავშვებისთვის. რასაკვირველია, ვისურვებდით ეს იყოს 300-ც და მეტიც, ასევე პენსიაც და ხელფასიც მაღალი, მაგრამ ეს არის მთავრობა, რომელსაც აქვს ხედვა, როგორ უნდა გაიზარდოს ეს ყველაფერი. ამას გაყვედრის ადამიანი, რომლის ხელისუფლებაში ყოფნისას 5 ლარი იყო სოციალურად დაუცველი ბავშვისთვის შემწეობა. საზოგადოება ყველაფერს ხედავს", - აღნიშნა მიხეილ სარჯველაძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე