ცოტათი უხერხულია, რომ პრემიერი საკუთარ შვილს ეფარება და ცდილობს, რომ ეს წარმოაჩინოს, როგორც შვილზე თავდასხმა, - ამის შესახებ „ლელოს“ დეპუტატმა ანა ნაცვლიშვილმა განაცხადა.

ნაცვლიშვილის თქმით, მან პრემიერი ორმაგ სტანდარტში ამხილა.

„ცოტათი უხერხულია, რომ პრემიერი ცდილობს, ეს წარმოაჩინოს, როგორც შვილზე თავდასხმა. მე მის შვილთან არანაირი საქმე არ მაქვს. მე პრემიერი ვამხილე ორმაგ სტანდარტში, რომელსაც ის ატარებს. ერთი მხრივ, ადამიანს გეშავს სხვა თანამოქალაქეების წინააღმდეგ, ავრცელებს ზიზღს და პროპაგანდას. მეორე მხრივ, თავად ისეთ არჩევანი გააკეთა, რომელიც ამ შეხედულებებიდან განსხვავებულია. ერთი მხრივ ამბობდე, რომ ეს არის ბოროტება და საზოგადოებას აშინებდე ამ ადამიანებით, მეორე მხრივ კი შენი შვილი სწავლობდეს სივრცეში, სადაც ადამიანის ღირსება და თანასწორობა ერთ-ერთი მთავარი პრინციპია - ეს ორი სხვადასხვა რამაა. მგონია, რომ შვილი მამას გაცილებით ჯობს, რადგან მან კარგი, სწორი არჩევანი გააკეთა. რაც შეეხება ღარიბაშვილს, თავად უნდა განმარტოს, როგორ ხდება ის, რომ ქართულ საზოგადოებას სხვა რამეს აჯერებს და თავად, რეალურ ცხოვრებაში სხვა რამეს აკეთებს. ასევე უნდა განმარტოს, რას ნიშნავდა მუქარა, რომელიც პარლამენტის ტრიბუნიდან გამომიგზავნა - ხალხს მომიგზავნის და მცემს, თუ რას აპირებს?“,- განაცხადა ანა ნაცვლიშვილმა.