უსაფუძვლო აღფრთოვანება ვიხილეთ იმ პროცესების გამო, რომელიც რუსეთის ფედერაციაში მიმდინარეობდა, - ამის შესახებ პარლამენტის პირველმა ვიცე-სპიკერმა გია ვოლსკიმ ოპოზიციასთან დაკავშირებით განაცხადა.

ვოლსკი აცხადებს, რომ არასერიოზულობის გარდა, ეს მავნებლობაა.

„აქ მოგონილი არაფერი არ არის, ჩვენს თვალწინ ვითარდებოდა მოვლენები. მათ გადაწყვიტეს, რომ რუსეთში ვითარების დაძაბვა არის იმის წინაპირობა, რომ საქართველომაც ხელი გამოიღოს და თავის ტერიტორიული მთლიანობა აღადგინოს. ეს არ არის ახალი თემა, ეს არის ის პროცესი, რომელსაც ინტენსიურად მხარს უჭერდა რადიკალური ოპოზიცია, რევოლუციურ კომიტეტად ჩამოყალიბებული ოპოზიცია და ამის მრავალი მაგალითი არსებობს. ბოლო პერიოდშიც უსაფუძვლო აღფრთოვანება ვიხილეთ იმ პროცესების გამო, რომელიც მიმდინარეობდა რუსეთის ფედერაციასთან მიმართებაში. არასერიოზული დამოკიდებულების გარდა, ეს ეს იყო გამეორება იმ მავნებლური გამღიზიანებლური პოლიტიკისა, რომელიც სულ ცოტა ხნის წინ ვიხილეთ“, - განაცხადა ვოლსკიმ.