იუსტიციის სამინისტროსთან „ნაციონალური მოძრაობის“ წევრები და მათი მხარდამჭერები აქციას მართავენ
იუსტიციის სამინისტროსთან „ნაციონალური მოძრაობის“ წევრები და მათი მხარდამჭერები აქციას მართავენ.
შეკრებილები ითხოვენ, რომ ევროკავშირის სამედიცინო მისიას ყოფილი პრეზიდენტის მიხეილ სააკაშვილის მონახულების შესაძლებლობა მიეცეს.
„ნაციონალური მოძრაობის“ წევრის, ირაკლი ფავლენიშვილის განცხადებით, „იუსტიციის მინისტრი რატი ბრეგაძე და მისი დამქაშები, რომლებიც უკანონო ბრძანებებს ასრულებენ, ძალიან მალე დასანქცირდებიან, თუ დროზე გონს არ მოეგებიან”.
„ჩვენი მოსვლის მთავარი მიზანი არის ის, რომ დაუყოვნებლივ გაგვცეს მინისტრმა ბრეგაძემ პასუხი, როდის შეუშვებენ ევროკავშირის სამედიცინო მისიას მიხეილ სააკაშვილთან. კიდევ ერთხელ მივმართავ, გააკეთოს კონკრეტული განცხადება, როდის შეუშვებს ევროკავშირის სამედიცინო მისიას, პოლონელ ექიმებს მიხეილ სააკაშვილთან. დრო არ ითმენს, ამიტომ ვითხოვთ პასუხს რატი ბრეგვაძისგან. ის და მისი დამქაშები, რომლებიც უკანონო ბრძანებებს ასრულებენ ძალიან მალე დასანქცირდებიან, თუ დროზე არ მოეგებიან გონს", - განაცხადა ფავლენიშვილმა.
აქციის მონაწილეებს ადგილზე მოტანილი აქვთ ბანერები - “თავისუფლება მიხეილ სააკაშვილს".
ადგილზე მობილიზებულია პოლიცია.
