ირაკლი კობახიძე - გიორგი ვაშაძე, ადეიშვილის ყოფილი მოადგილე და რეჟიმის სხვა წარმომადგენლები მხარს არ უჭერენ კალანდარიშვილს, როგორ შეიძლება ეს იყოს არგუმენტი პრეზიდენტისთვის, ეს არის საბაბი, რითაც ცდილობს, ხელოვნური კრიზისი შექმნას - ამას ვერ დავუშვებთ

გიორგი ვაშაძე, ადეიშვილის ყოფილი მოადგილე და მაშინდელი რეჟიმის სხვა წარმომადგენლები მხარს არ უჭერენ კალანდარიშვილს და ცესკოს 2 წევრს. როგორ შეიძლება ეს იყოს არგუმენტი პრეზიდენტისთვის. ხომ ჩანს, რომ ეს არის საბაბი, რომლითაც ცდილობს პრეზიდენტი ხელოვნური ინსტიტუციური კრიზისი შექმნას ცესკოში, რაც არასწორია. ამას ვერ დავუშვებთ,- ამის შესახებ, „ქართული ოცნების“ თავმჯდომარემ, ირაკლი კობახიძემ პარლამენტში, სიტყვით გამოსვლისას განაცხადა, სადაც ცესკოს თავმჯდომარისა და წევრების არჩევის წესის ცვლილებასთან დაკავშირებით პრეზიდენტის მოტივირებული შენიშვნების განხილვა მიმდინარეობს.

როგორც კობახიძემ აღნიშნა, ცესკომ რამდენიმე არჩევნები უმაღლეს დონეზე ჩაატარა, ნული კრიტიკით.

“2 წელიწადზე მეტია, ცესკოში არ გვყავს სრულფასოვნად არჩეული თავმჯდომარე და ორი წევრი. არის გიორგი კალანდარიშვილი, მოქმედი თავმჯდომარე და ორი წევრი, რომლებმაც რამდენიმე არჩევნები ჩაატარეს, მათ შორის, ეს იყო ადგილობრივი თვითმმართველობის არჩევნები მთელი ქვეყნის მასშტაბით და შემდეგ შუალედური არჩევნები. მე მინდა შეგახსენოთ, რომ არცერთ ამ არჩევნებთან დაკავშირებით კრიტიკული შენიშვნები არ ყოფილა.

ეს ადამიანები კიდევ ერთხელ იღებენ კონკურსში მონაწილეობას, კონკურსი ავლენს, რომ ისინი საუკეთესოები არიან კომპეტენციით და კეთილსინდისიერებით და მაინც არ წარადგენს მათ პრეზიდენტი. საბაბი რა არის? საბაბი არის ის, რომ აგერ ეს ადამიანები, როგორიც არის გიორგი ვაშაძე, ადეიშვილის ყოფილი მოადგილე და მაშინდელი რეჟიმის სხვა წარმომადგენლები მხარს არ უჭერენ კალანდარიშვილს და ცესკოს 2 წევრს. როგორ შეიძლება ეს იყოს არგუმენტი პრეზიდენტისთვის. ხომ ჩანს, რომ ეს არის საბაბი, რომლითაც ცდილობს პრეზიდენტი ხელოვნური ინსტიტუციური კრიზისი შექმნას ცესკოში, რაც არასწორია. ამას ვერ დავუშვებთ. არ მგონია, ეს მისი პიროვნული ინტერესი არ არის, ის მოქმედებს ერთგვარი დაკვეთით.

ცესკომ რამდენიმე არჩევნები ჩაატარა უმაღლეს დონეზე, ნული კრიტიკით“,- აღნიშნა კობახიძემ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა