გიგა ბოკერია - ნებისმიერი წინააღმდეგობა უკრაინის ხელისუფლებასთან და მთლიანად დასავლეთთან ეროვნული ინტერესების პირდაპირი ღალატია

ნებისმიერი წინააღმდეგობა უკრაინის ხელისუფლებასთან და მთლიანად დასავლეთთან ჩვენი ეროვნული ინტერესების პირდაპირი ღალატია, - ამის შესახებ პარტია „ევროპული საქართველოს“ ლიდერმა გიგა ბოკერიამ განაცხადა.

„ევროპული საქართველოს“ ინფორმაციით, თავმჯდომარე გიგა ბოკერია უკრაინის მხრიდან Georgian Airways-ის დასანქცირებასა და ამ საკითხზე საქართველოს ეკონომიკის მინისტრის მიერ გაკეთებულ განცხადებას გამოეხმაურა.

როგორც გიგა ბოკერიამ აღნიშნა, უცნობია, თუ რა ნაბიჯის გადადგმას აპირებს ივანიშვილის რეჟიმი.

მისივე თქმით, საქართველოს დღეს სჭირდება, რომ დასავლეთის ყურადღების ცენტრში იყოს და როგორც ნატოს მომავალი წევრი, ისე განიხილებოდეს.

„ნებისმიერი წინააღმდეგობა უკრაინის ხელისუფლებასთან და მთლიანად დასავლეთთან, რაც ივანიშვილის რეჟიმმა მოახერხა, არის ჩვენი ეროვნული ინტერესების პირდაპირი ღალატი.

რა ახსნაც არ უნდა უპოვონ ამ ამბავს, რა ნაბიჯებიც არ უნდა მოჰყვეს - მოჰყვება თუ არა ამას შემდგომში ვინმეს დასანქცირება, ის, რომ ეს არის დისკუსიის საგანი და ამ მოდუსში იმყოფება ქვეყანა, რეჟიმის პასუხისმგებლობაა. ეს ჩვენი ქვეყნის ღალატის ტოლფასია“, - განაცხადა გიგა ბოკერიამ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა