პარლამენტის პლენარულ სხდომაზე ცხარე კამათისა და დისკუსიის შემდეგ, „თავდაცვის კოდექსის“ პროექტის მეორე მოსმენით განხილვა ხვალისთვის გადაიდო

პარლამენტის პლენარულ სხდომაზე ცხარე კამათისა და დისკუსიის შემდეგ, „თავდაცვის კოდექსის“ პროექტის მეორე მოსმენით განხილვა ხვალისთვის გადაიდო.

ოპოზიციონერი დეპუტატების პრეტენზია მომხსენებლის, თავდაცვის მინისტრის მოადგილის, გრიგოლ გიორგაძის მიმართ იმაში მდგომარეობს, რომ ოპოზიციის მიერ დასმულ კითხვებს არ უპასუხა და მათ იგნორირებით შეხვდა. სწორედ ამ მიზეზით ოპოზიციამ განხილვის გადადება მოითხოვა. როგორც გიორგაძის მისამართით ითქვა, კითხვებზე პასუხებისთვის თავის არიდება თავად პარლამენტის მიმართ უპატივცემულობა იყო.

პლენარული სხდომის წამყვანმა, პარლამენტის პირველმა ვიცე-სპიკერმა გია ვოლსკიმ განმარტა, რომ „წინააღმდეგობრივი ტურბულენტობის გათვალისწინებით“ განხილვის ხვალისთვის გადადება სჯობდა.

„ეს არის ზოგადი, პრინციპული მოსაზრებები „თავდაცვის კოდექსის“ მიმართ. რა თქმა უნდა, ყველა დეტალურ კითხვაზე პასუხი გვაქვს. ჩვენ არ ვაპირებთ, რომ თავდაცვის რეჟიმში გადავიდეთ. ეს არის მართლაც ღირებული, პარტნიორებთან შეჯერებული „თავდაცვის კოდექსის პროექტი“, - განაცხადა თავდაცვის მინისტრის მოადგილემ გრიგოლ გიორგაძემ.

პარლამენტი „თავდაცვის კოდექსის“ პროექტის და მისგან გამომდინარე საკანონმდებლო ინიციატივების განხილვას თითქმის სამთვიანი პაუზის შემდეგ დაუბრუნდა.

აღსანიშნავია ისიც, რომ მეორე მოსმენით განხილვის დაწყების წინ პარლამენტმა თავდაცვისა და უშიშროების კომიტეტის თავმჯდომარის მოთხოვნა გაითვალისწინა, „თავდაცვის კოდექსის“ პროექტის პუნქტობრივი და მუხლობრივი განხილვის ნაცვლად, მისი თავების მიხედვით განხილვის შესახებ. ირაკლი ბერაიას წინადადებას ოპოზიციის პროტესტი მოჰყვა, რომლის შეფასებით, კანონპროექტის ამ მეთოდით განხილვა ნიშნავს იმას, რომ უმრავლესობას კითხვებზე პასუხები არა აქვს.

პარლამენტის რიგგარეშე სხდომა 4 ივლისს, 11:00 საათზე განახლდება.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა