სანდრო რაქვიაშვილი - „ქართული ოცნება“ ზელენსკის გადაწყვეტილებას გამოიყენებს იმისთვის, რომ თქვას: „აი, ნახეთ, რა ცუდია უკრაინის მთავრობა“ - პასუხისმგებლიანი მთავრობა ამ საკითხს სხვანაირად მიუდგებოდა

შიდა დაპირისპირებას გადაჰყვა საგარეო ურთიერთობები. ეს კიდევ ერთი მაჩვენებელია, რომ „ქართულ ოცნებას“ შეუძლია ნებისმიერი მსხვერპლი გასწიოს შიდა პოლიტიკური ინტერესებისთვის, - ამის შესახებ ჟურნალისტებთან „გირჩის“ დეპუტატმა სანდრო რაქვიაშვილმა განაცხადა, რითაც გამოეხმაურა ვოლოდიმირ ზელენსკის განცხადებას, რომელმაც უკრაინაში საგარეო საქმეთა სამინისტროს დაავალა, დაუკავშირდეს საქართველოს ელჩს უკრაინაში, გამოხატოს მიხეილ სააკაშვილთან დაკავშირებით ძლიერი პროტესტი და შესთავაზოს უკრაინის დატოვება 48 საათის განმავლობაში საქართველოს დედაქალაქთან კონსულტაციებისთვის.

რაქვიაშვილი აცხადებს, რომ ზელენსკის ამ განცხადებასაც „ქართული ოცნება“ საკუთარი პოლიტიკური მიზნების შესაბამისად გამოიყენებს.

„თავიდანვე ვითხოვდით, მიხეილ სააკაშვილი ყოფილიყო გადაყვანილი და თუ ეს მოხდება, არ იქნება ურიგო. სამწუხაროა, რომ შიდა დაპირისპირებას გადაჰყვა საგარეო ურთიერთობები. ეს კიდევ ერთი მაჩვენებელია, რომ „ქართულ ოცნებას“ შეუძლია ნებისმიერი მსხვერპლი გასწიოს შიდა პოლიტიკური ინტერესებისთვის. ამ ნაწილში არაფერი ადეკვატურობა არ ჩანს, პირიქით, ამას გამოიყენებენ იმისთვის, რომ თქვან: „აი, ნახეთ, რა ცუდია უკრაინის მთავრობა“. უკრაინის მთავრობა შეიძლება ასე ან ის იქცეოდეს, მაგრამ უკრაინის მოქალაქეზეა საუბარი და მას ამის უფლება აქვს, თავის მოქალაქეზე ზრუნავს. პასუხისმგებლიანი მთავრობა ამ საკითხს სხვანაირად მიუდგებოდა,“ - განაცხადა რაქვიაშვილმა.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო