თბილისის ბაგა-ბაღების მართვის სააგენტოს ხელმძღვანელის განცხადებით, ახალი სასწავლო წლიდან თბილისში დამატებით სამი ახალი საბავშვო ბაღი გაიხსნება

თბილისის ბაგა-ბაღების მართვის სააგენტოს ხელმძღვანელის, გოგი ჩიქოვანის განცხადებით, ახალი სასწავლო წლიდან თბილისში დამატებით სამი ახალი საბავშვო ბაღი გაიხსნება.

მისივე თქმით, ამ ეტაპზე 10 ახალი საბავშვო ბაღის მშენებლობა მიმდინარეობს, ხოლო ორ საბავშვო ბაღს რეაბილიტაცია უტარდება.

„ამ ეტაპზე მიმდინარე 12 პროექტი გვაქვს, მათ შორის არის 10 ახალი საბავშვო ბაღის მშენებლობა, ორ საბავშვო ბაღს კაპიტალური რეაბილიტაცია უტარდება. ახალი სასწავლო წლისთვის დამატებით სამი ახალი საბავშვო ბაღი გაიხსნება. ჩვენ აღნიშნული პროექტების დასრულების შემდეგ დამატებით 2 ათასს ბავშვს მოვემსახურებით”, - განაცხადა გოგი ჩიქოვანმა.

როგორც მან აღნიშნა, 2023-2024 სასწავლო სააღმზრდელო წლისთვის ბაგა-ბაღების მართვის სააგენტოს 16 ათასამდე ბავშვის მიღება შეუძლია.

„ჩვენ თბილისის საჯარო საბავშვო ბაღებში ელექტრონულ რეგისტრაციას 2023-2024 სასწავლო სააღმზრდელო წლისთვის ვიწყებთ. რეგისტრაცია დაიწყება 10 ივლისს, 10:00 საათზე და სამ ეტაპად წარიმართება. პირველი ეტაპზე დარეგისტრირდება მიზნობრივი სოციალური ჯგუფის წარმომადგენლები, ბავშვები, რომელთა რეგისტრაცია გაგრძელდება 15 ივლისამდე. მეორე ეტაპის რეგისტრაცია 17 ივლისს დაიწყება და ამ ეტაპზე დარეგისტრირდებიან თბილისის მუნიციპალიტეტის ტერიტორიაზე რეგისტრირებული ბავშვები, ხოლო მესამე ეტაპის საყოველთაო რეგისტრაცია დაიწყება 25 ივლისს. ჩვენ მიმდინარე რეგისტრაციების ფარგლებში შესაძლებლობა გვაქვს 16 ათასამდე ბავშვი თბილისის საჯარო ბაგა-ბაღებში მივიღოთ“, - აღნიშნა გოგი ჩიქოვანმა.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა