თეონა აქუბარდია თავდაცვის მინისტრის მოადგილეს - თუკი „გირჩის“ „ბიბლიური თავისუფლება“ მიუღებელია, რატომ არის მისაღები თქვენი „ბიბლიური თავისუფლება“?

პარლამენტში წარდგენილი კანონპროექტით, თქვენი „ბიბლიური თავისუფლების“ წრე გააკეთეთ, რომლითაც ადამიანებს სამხედრო სამსახურში გაწვევა გადაუვადდებათ - თუკი „გირჩის“ „ბიბლიური თავისუფლება“ მიუღებელია, რატომ არის მისაღები თქვენი „ბიბლიური თავისუფლება“? - ასე მიმართა ოპოზიციონერმა დეპუტატმა თეონა აქუბარდიამ თავდაცვის მინისტრის მოადგილეს გრიგოლ გიორგაძეს, “თავდაცვის კოდექსის“ პროექტის იმ ნაწილთან დაკავშირებით, რომელიც წვევამდელთა ეროვნულ სამხედრო სამსახურში გაწვევის გადავადებას ეხება.

მეორე მოსმენით გადამუშავებული პროექტის მიხედვით, სამხედრო სავალდებულო სამსახურის გადავადების საფუძვლები და იმ პირთა წრე ფართოვდება, ვისაც ეს შეღავათი შეეხება. კერძოდ, სამხედრო-სავალდებულო სამსახურისგან გათავისუფლდებიან და სამხედრო სამსახურში გაწვევა გადაუვადდება მათ, ვინც მუშაობს თავდაცვის სამინისტროში ან სამინისტროს სისტემაში მოქმედ სსიპ-ში, შინაგან საქმეთა სამინისტროში, იუსტიციის სამინისტროში შემავალ სპეციალურ პენიტენციურ სამსახურში, სახელმწიფო უსაფრთხოების, დაზვერვისა და სახელმწიფო დაცვის სპეცსამსახურებში. გადავადებით სარგებლობის შესაძლებლობა გენერალური პროკურატურის სტაჟიორ-პროკურორებზეც გავრცელდება.

აქუბარდიას თქმით, „ბიბლიური თავისუფლება“ თავდაცვის სამინისტროს შიგნით იმ თანამშრომლებისთვის კეთდება, რომლებსაც პირიქით - სამხედრო სამსახურში გაწვევა სჭირდებათ.

„თქვენ თქვენს სექტას აკეთებთ და მეორე სექტას უპირისპირდებით. დამოუკიდებელი საქართველოს ისტორიაში, გაწვევის გადავადება არასდროს ყოფილა სპეცსამსახურების თანამშრომლებისთვის. ეს არაფრით აიხსნება და არის მიუღებელი“, - განაცხადა თეონა აქუბარდიამ.

პარლამენტში “თავდაცვის კოდექსის“ პროექტის მეორე მოსმენით განხილვა მიმდინარეობს.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა