კავკასიის საერთაშორისო უნივერსიტეტში ზაფხულის სკოლა გაიხსნა თემაზე: „სამშვიდობო პოლიტიკა და ნდობის აღდგენა ოკუპირებულ რეგიონებთან“

3 ივლისს, კავკასიის საერთაშორისო უნივერსიტეტში ზაფხულის სკოლა გაიხსნა თემაზე: „სამშვიდობო პოლიტიკა და ნდობის აღდგენა ოკუპირებულ რეგიონებთან“. ამის შესახებ ინფორმაციას კავკასიის საერთაშორისო უნივერსიტეტი ავრცელებს.

მათი ინფორმაციით, ღონისძიება კავკასიის საერთაშორისო უნივერსიტეტის რექტორმა, კახაბერ კორძაიამ გახსნა, რომელმაც სკოლის მნიშვნელობაზე გაამახვილა ყურადღება და მონაწილეებს მადლობა გადაუხადა პროექტში მონაწილეობისთვის.

„აუდიტორიას სიტყვით მიმართა ზაფხულის სკოლის საპატიო სტუმარმა, საქართველოს სახელმწიფო მინისტრმა შერიგებისა და სამოქალაქო თანასწორობის საკითხებში, თეა ახვლედიანმა. მინისტრმა ყურადღება გაამახვილა საქართველოს მთავრობის მიერ განხორციელებულ და მიმდინარე პროექტებზე, რომლებიც მიმართულია ოკუპირებულ რეგიონებთან ნდობის აღდგენაზე, ასევე, გამყოფ ხაზთან მცხოვრები მოსახლეობისა და დევნილთა საჭიროებებზე.

ზაფხულის სკოლის გახსნის ღონისძიებას მოდერატორობას უწევდა კავკასიის საერთაშორისო უნივერსიტეტის რექტორის მრჩეველი, სკოლის კოორდინატორი, გიორგი ფარეშიშვილი.

პირველი დღის სალექციო თემატიკა გახსნა კავკასიის საერთაშორისო უნივერსიტეტის ასოცირებულმა პროფესორმა, ისტორიკოსმა ქეთევან შოშიაშვილმა თემაზე - "აფხაზეთისა და ცხინვალის რეგიონის ისტორიული მიმოხილვა", დღის მეორე ლექცია კი, ჰერალდიკის სახელმწიფო საბჭოს თავმჯდომარეს, მამუკა გონგაძეს დაეთმო თემაზე - "აფხაზეთისა და ცხინვალის რეგიონის სიმბოლიკისათვის".

ლექციები ინტერაქციულ რეჟიმში წარიმართა, სადაც სკოლის მსმენელებს შესაძლებლობა ჰქონდათ მათთვის საინტერესო კითხვებზე მიეღოთ პასუხები და ჩართულიყვნენ დისკუსიაში.

დღის ბოლოს სკოლის მონაწილეებმა პრაქტიკული დავალება მიიღეს, რომელიც მსოფლიოში მიმდინარე აქტუალურ კონფლიქტებს ეხებოდა. აღნიშნულ ნაწილს კოორდინირებას კავკასიის საერთაშორისო უნივერსიტეტის ინტელექტკლუბის ხელმძღვანელი, საერთაშორისო ურთიერთობების სპეციალისტი, ბაკურ ხუბულავა უწევდა.

აღსანიშნავია, რომ კავკასიის საერთაშორისო უნივერსიტეტის ზაფხულის სკოლაში საქართველოს 13 სახელმწიფო და კერძო უმაღლესი სასწავლებლის 40-მდე სტუდენტია ჩართული.

მსმენელებს ლექციები ერთი კვირის განმავლობაში ჩაუტარდებათ, კვირის ბოლოს კი სკოლა გასვლითი აქტივობით დაიხურება.

ზაფხულის სკოლის მხარდამჭერია შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი.

სკოლის სალექციო კურსს უძღვებიან აღნიშნული სამინისტროს წარმომადგენლები, კავკასიის საერთაშორისო უნივერსიტეტის პროფესორები და სხვადასხვა უწყების დარგობრივი სპეციალისტები/საკითხის ექსპერტები“, - აღნიშნულია ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე