„ვივამედთან“ აქცია დასრულდა - მიხეილ სააკაშვილი მხარდამჭერებს საქართველოსა და უკრაინის დროშებით მიესალმა

კლინიკა “ვივამედთან” საქართველოს მესამე პრეზიდენტის, მიხეილ სააკაშვილის მხარდასაჭერი აქცია დასრულდა.

მიხეილ სააკაშვილის მხარდამჭერებმა აქცია “ვივამედის” შესასვლელთან გამართეს, შემდეგ კი იმისთვის, რომ უფრო ახლოდან მიეწოდებინათ მესამე პრეზიდენტისთვის ხმა, კლინიკის გვერდითა შესასვლელთან გადაინაცვლეს, სადაც საქართველოსა და უკრაინის ჰიმნები გააჟღერეს.

ამასთან, მხარდამჭერებს “კლინიკის” პალატიდან მიხეილ სააკაშვილი მიესალმა.

მან ფანჯრიდან საქართველოსა და უკრაინის დროშები გამოფინა, რასაც აქციის მონაწილეების მხრიდან ოვაციები მოჰყვა.

აქციის მონაწილეების მთავარი მოთხოვნა იყო, რომ მიხეილ სააკაშვილს მკურნალობის საშუალება მიეცეს. ასევე, საქართველოს პარლამენტის წევრებსა და ევროპარლამენტარებს უნდა მიეცეთ მესამე პრეზიდენტის მონახულების საშუალება. მათი თქმით, სააკაშვილს პოლიტიკურ პროცესებში მონაწილეობის საშუალება უნდა მიეცეს. აქციის მონაწილეებს ადგილზე გაშლილი ჰქონდათ საქართველოს, ევროკავშირის, აშშ-ისა და უკრაინის დროშები.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო