ლევან დავითაშვილი EBRD-ის მმართველ დირექტორს მატეო პატრონეს შეხვდა

ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი ევროპის რეკონსტრუქციისა და განვითარების ბანკის (EBRD) მმართველ დირექტორს მატეო პატრონეს შეხვდა, რომელიც სამხრეთ კავკასიის რეგიონის ქვეყნებში სამუშაო ვიზიტით იმყოფება. ამის შესახებ ინფორმაციას უწყების პრესსამსახური ავრცელებს.

მათი ინფორმაციით, შეხვედრას ასევე დაესწრნენ მინისტრის მოადგილე ვახტანგ ცინცაძე, ალკის ვრეინიოს დრაკინოსი, რომელიც კავკასიის რეგიონში EBRD - ის რეგიონული დირექტორის ფუნქციას 2023 წლის 1 სექტემბრიდან შეასრულებს და კატარინა ბიორლინ ჰანსენი, ბანკის მოქმედი რეგიონული დირექტორი.

„შეხვედრაზე საუბარი წარიმართა საქართველოსა და EBRD-ის წარმატებულ ურთიერთობაზე, მიმდინარე და სამომავლო თანამშრომლობის პრიორიტეტულ მიმართულებებზე.

აღინიშნა, რომ აღნიშნული საფინანსო ინსტიტუტი საქართველოს ეკონომიკის ერთ-ერთი მსხვილი ინვესტორია - მისი პორტფელი საქართველოში დაახლოებით 5 მლრდ ევროა და პროექტებს ახორციელებს ისეთი მიმართულებებით, როგორიცაა მცირე და საშუალო ბიზნესის კონკურენტუნარიანობის ზრდა, საფინანსო სექტორის განვითარება, ენერგოეფექტურობა და განახლებადი ენერგიის წყაროების ათვისება, მდგრადი ინფრასტრუქტურა და მუნიციპალური სერვისები. ამასთან, ბანკის მიერ განხორციელებული პროექტების 82 პროცენტი კერძო სექტორზე მოდის.

შეხვედრაზე ასევე განხილულ იქნა საქართველოში მიმდინარე და დაგეგმილი სტრუქტურული რეფორმები და მსხვილი საინვესტიციო პროექტების მიმდინარეობა, მათ შორის, ენერგეტიკისა და ტრანსპორტის სფეროებში. კერძოდ, შუა სატრანსპორტო დერეფნის პოტენციალი, საქართველოს მთავრობის ხედვა შავი ზღვის საპორტო ინფრასტრუქტურის განვითარებაზე, მათ შორის, ანაკლიის ღრმაწყლოვანი ნავსადგურის პროექტზე და სხვ.

შეხვედრაზე EBRD - ის წარმომადგენლებმა დაადასტურეს მზაობა, მონაწილეობა მიიღონ მსხვილ საინვესტიციო პროექტებში“, - აღნიშნულია ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება