შემოსავლების სამსახურის უფროსის მოადგილემ ვაჭრობის ხელშოწყობის ფორუმის ფარგლებში, ბიზნესთან თანამშრომლობის გაძლიერების საკითხები განიხილა

სასტუმრო ,,ჰილტონ გარდენ ინნში”, ევროპული ბიზნეს ასოციაციის (EBA) ორგანიზებით, USAID-ის ეკონომიკური მმართველობის პროგრამის მხარდაჭერითა და საქართველოს ფინანსთა სამინისტროს შემოსავლების სამსახურთან თანამშრომლობით, „ვაჭრობის ხელშეწყობის ვორქშოპი ბიზნესისათვის“ გაიმართა. ამის შესახებ ინფორმაციას შემოსავლების სამსახური ავრცელებს.

ამავე ცნობით, ვორკშოპი პროდუქტის წარმოშობის წესების შესახებ ცნობიერების ამაღლებას და კერძო სექტორის წარმომადგენლებისათვის ევროკავშირის ქვეყნებში ექსპორტისათვის მნიშვნელოვანი ინფორმაციის მიწოდებას ისახავს მიზნად.

ღონისძიება გახსნეს და მონაწილეებს მისასალმებელი სიტყვით მიმართეს შემოსავლების სამსახურის უფროსის მოადგილემ, ვლადიმერ ხუნდაძემ, ასევე ევროპული ბიზნეს ასოციაციის პრეზიდენტმა, ჯონ ბრაეკეველდტმა და USAID-ის ეკონომიკური მმართველობის პროგრამის ხელმძღვანელის მოადგილემ ნინო ჩოხელმა.

შემოსავლების სამსახურის ხელმძღვანელმა მადლობა გადაუხადა პროექტს მხარდაჭერისთვის და აღნიშნა, რომ ნაყოფიერი თანამშრომლობა მომავალშიც აქტიურად გაგრძელდება.

“იმედი მაქვს, რომ ევროპის ბიზნეს ასოციაცია, USAID-ის მხარდაჭერით, ჩვენთან ერთად, მომავალშიც გააგრძელებს ქმედითი წვლილი შეიტანოს ვაჭრობის ხელშეწყობის ეროვნული კომიტეტის მუშაობაში. აუცილებელია წარმოშობის წესების შესახებ ცოდნისა და გამოცდილების შეძენის ხელშეწყობა, ვინაიდან შეღავათიანი წარმოშობის წესები საშუალება აძლევს მეწარმეებს გამოიყენონ უფრო მეტი ადგილობრივი და თავისუფალი ვაჭრობის პარტნიორი ქვეყნის მასალები და ნედლეული, წარმოების პროცესის ნაირსახეობები და მექანიზმები იმ პროდუქციის წარმოების პროცესში, რომელიც შემდგომ ისარგებლებს სატარიფო შეღავათებით თავისუფალი ვაჭრობის პარტნიორ სახელმწიფოში”, - განაცხადა ვლადიმერ ხუნდაძემ.

შემოსავლების სამსახურის ცნობით, შეხვედრას, რომელიც დიალოგის ფორმატში წარიმართა, ესწრებოდნენ სხვადასხვა ბიზნესსექტორის წარმომადგენლები, ასევე შემოსავლების სამსახურის საერთაშორისო ურთიერთობათა დეპარტამენტის უფროსი, სამსონ ურიდია და სხვა პასუხისმგებელი პირები.

ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო