რატი ბრეგაძე - გერმანიასთან დარგობრივი თანამშრომლობა ხელს უწყობს ქართული კანონმდებლობის ევროპულ სტანდარტებთან დაახლოებას

ქართულ-გერმანული სამართლებრივი ფორუმის ფარგლებში იუსტიციის მინისტრი რატი ბრეგაძე გერმანიის ფედერაციული რესპუბლიკის იუსტიციის ფედერალური სამინისტროს სახელმწიფო მდივან ანჟელიკა შლუნკს შეხვდა. ამის შესახებ ინფორმაციას საქართველოს იუსტიციის სამინისტრო ავრცელებს.

უწყების ცნობით, ქართულ-გერმანული სამართლებრივი ფორუმი პირველად ტარდება.

რატი ბრეგაძემ ანჟელიკა შლუნკთან შეხვედრისას ხაზი გაუსვა ორ ქვეყანას შორის სამართლებრივი თანამშრომლობის გაღრმავების მნიშვნელობას ქართული კანონმდებლობის ევროპულ სტანდარტებთან დაახლოების პროცესში.

მინისტრმა აღნიშნა, რომ ევროკავშირთან ინტეგრაცია საქართველოს მთავრობის მთავარი და შეუქცევადი პრიორიტეტია, განსაკუთრებით, მას შემდეგ, რაც ევროკავშირმა აღიარა საქართველოს ევროპული პერსპექტივა.

იუსტიციის მინისტრმა გერმანიის ფედერაციული რესპუბლიკის იუსტიციის ფედერალური სამინისტროს სახელმწიფო მდივანთან საუბარში აღნიშნა, რომ უწყება აქტიურად იყო ჩართული ევროკავშირის მიერ საქართველოსათვის კანდიდატის სტატუსის მინიჭების პროცესსა და 12 პრიორიტეტის შესრულებაში”, - აღნიშნულია ინფორმაციაში, რომელსაც საქართველოს იუსტიციის სამინისტრო ავრცელებს.

ბერლინში გასულ წელს საქართველო-გერმანიის იუსტიციის სამინისტროებს შორის გაფორმებული თანამშრომლობის პროგრამის ფარგლებში მიმდინარე წლის აგვისტოში რატი ბრეგაძე გერმანიის ფედერაციის ჩრდილოეთ ვესტფალიის მხარის იუსტიციის მინისტრ ბენიამინ ლიმბახს და გერმანულ დელეგაციას უმასპინძლებს. შეხვედრის თემა პენიტენციური და პრობაციის სისტემების თანამშრომლობის საკითხები იქნება.

საქართველო-გერმანიის სამართლებრივი თანამშრომლობის აღნიშნულ ფორმატს საფუძველი ჩაეყარა გასულ წელს ბერლინში რატი ბრეგაძის გერმანელ კოლეგა მარკო ბუშმანთან შეხვედრის დროს.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა