„კრიპტალის“ მობილური აპლიკაციის პირველადი ვერსია უკვე ხელმისაწვდომია. მობილური აპლიკაციის საშუალებით, მომხმარებლებს საკუთარი კრიპტოვალუტის მართვა მნიშვნელოვნად უმარტივდებათ. მისი საშუალებით შესაძლებელი გახდა, საკუთარი სმარტფონებიდან იყიდონ/გაყიდონ და დააკონვერტირონ კრიპტოვალუტა, ასევე შეასრულონ კრიპტო ტრანზაქციები.

აპლიკაცია ჯერჯერობით სატესტო რეჟიმში მუშაობს. კომპანიაში აქტიური მუშაობა მიმდინარეობს, უფრო საინტერესო სიახლეებისა და ფუნქციონალის შესათავაზებლად.

როგორც „კრიპტალში“ განმარტავენ, მათი მიზანია, კრიპტოვალუტა ფართო საზოგადოებისთვის უფრო მარტივად ხელმისაწვდომი გახდეს. აპლიკაცია კი ამ მიმართულებით გადადგმული კიდევ ერთი ნაბიჯია.

კომპანიაში აღნიშნავენ, რომ მათთვის მომხმარებლების უკუკავშირი უმნიშვნელოვანესია. სწორედ მათი გამოხმაურების და რეკომენდაციების შესაბამისად მოხდება ფუნქციონალის დახვეწა, გაუმჯობესება და მათ საჭიროებებზე მორგებული გადაწყვეტების შეთავაზება.

კრიპტოვალუტა, რომელიც ვირტუალური აქტივია, წლიდან წლამდე სულ უფრო პოპულარული ხდება. მისი ისტორია 2008 წლიდან იწყება. კრიპტოვალუტების გამოჩენის საწყის ეტაპზე მომხმარებელი მათ ძირითადად სავაჭრო ვირტუალურ აქტივად იყენებდა. ახლა კი კრიპტომ უკვე განვითარების ისეთ ეტაპს მიაღწია, როდესაც მას რეალურ ცხოვრებაშიც აქტიურად იყენებენ, როგორც სხვა ნებისმიერ ვალუტას. უკვე თავისუფლადაა შესაძლებელი კრიპტო ტრანზაქციების განხორციელება, გადაცვლა, თუ ნივთების შეძენაც - როგორც ვირტუალურ, ისე რეალურ სამყაროში.

რაც შეეხება მობილურ აპლიკაციას, ისე ხელმისაწვდომია როგორც ანდროიდ, ისე iOS სისტემაზე.

(R)