„თიბისი“ დაზღვევამ სამოგზაურო დაზღვევის ახალი, პრემიუმ პაკეტი შექმნა. „თიბისის“ ინფორმაციით, დაზღვევამ პრემუმ პაკეტი მომხმარებლების კიდევ მეტ საჭიროებას მოარგო - მისი ჯამური ლიმიტი 85 000 €/$-მდეა გაზრდილი და ნებისმიერ ქვეყანაში მოგზაურობისას სრულად უფრანშიზოა.

მათივე ცნობით, დაფარვები, რომლებიც დამატებით შეგიძლიათ აირჩიოთ, სტანდარტულ პაკეტთან შედარებით, ბარგისა და პასპორტის დაკარგვის, მოგზაურობის გადადება/გაუქმების ხარჯებს ორმაგი ლიმიტით, 1 000 €/$-ით ანაზღაურდება.

„პრემიუმ პაკეტით სარგებლობისას სანერვიულო არაფერია მაშინაც კი, თუ უცხო ქვეყანაში სამოყვარულო სპორტული აქტივობისას რაიმეს დაიზიანებ ან რაიმე მიზეზით მედიკამენტების შეძენა და ამბულატორია დაგჭირდება, რადგან ახალი პაკეტი ასეთ ხარჯებსაც ფარავს.

„როცა სტანდარტული პაკეტის გაუმჯობესებაზე ვფიქრობდით, ვცადეთ გაგვეხსენებინა ყველა ის დეტალი, რომელიც მოგზაურებს დამატებით საფიქრალს უჩენს ხოლმე. როცა დაზღვევა ზურგს არ გიმაგრებს, შესაძლოა უარი თქვა ისეთ გამოცდილებებზე, როგორიცაა სერფინგი, ეგზოტიკური კერძის გასინჯვა, რაიმე ადგილის მონახულება. იმისათვის, რომ მოგზაურობისას ჩვენს მომხმარებელს საკუთარი თავისთვის მეტის უფლების მიცემა შესძლებოდა და სახლში მსუყე მოგონებებით დაბრუნებულიყო, პრემიუმ პაკეტში ყველა ზემოთ ჩამოთვლილი დაფარვა შევიტანეთ,”- აცხადებები „თიბისის“ დაზღვევის წარმომადგენლები.

პრემიუმ სამოგზაურო დაზღვევის დეტალური პირობების ნახვა და პოლისის შეძენა „თიბისი „დაზღვევის ვებ გვერდზე შეგიძლიათ”, - ნათქვამია ინფორმაციაში.