თეონა აქუბარდია - სუს -ის ანგარიშში ნათქვამია, რომ „მეორე ფრონტის“ თემას რუსეთი იყენებს ანექსიის გაძლიერებისთვის ოკუპირებულ რეგიონებში - ეს აჩვენებს, რომ „ქართული ოცნების“ დეზინფორმაცია „მეორე ფრონტზე“ ეხმარება კრემლს ანექსიის დაჩქარებაში

სუს -ის ანგარიშში ნათქვამია, რომ „მეორე ფრონტის“ თემას რუსეთი იყენებს ანექსიის გაძლიერებისთვის ოკუპირებულ რეგიონებში - ეს აჩვენებს, რომ „ქართული ოცნების“ დეზინფორმაცია „მეორე ფრონტზე“ უპირისპირდება ქვეყნის სუვერენიტეტის და ტერიტორიული მთლიანობის ინტერესებს და ეხმარება კრემლს ანექსიის დაჩქარებაში, - ამის შესახებ ოპოზიციონერმა დეპუტატმა თეონა აქუბარდიამ სუს-ის ანგარიშის შეფასებისას განაცხადა.

მისივე თქმით, დაუშვებელია ის პოლიტიკური ენა, რაც ანგარიშშია მოცემული და ანგარიში არ ასახავს ადეკვატურ გამოწვევებს.

„ანგარიშის ოკუპაციის ნაწილში არის ობიექტური მოცემულობა აღწერილი და (ნათქვამია) ის, რომ „მეორე ფრონტის“ დეზინფორმაციას რუსეთი იყენებს ანექსიის პროცესის გაძლიერებისთვის ოკუპირებულ რეგიონებში, თუმცა, იქვე წერია, რომ რადიკალური ძალები საქართველოს ომში ჩართვას აპირებენ, ეს არის ურთიერთწინააღმდეგობრივი. ჩანს, სად არის პოლიტიკური შეფასება და სად არის ობიექტური შეფასება. სახელმწიფო უსაფრთხოების სამსახური არის აპოლიტიკური თავის არსით და დაუშვებელია ის პოლიტიკური ენა, რაც ანგარიშშია მოცემული და არ ასახავს ადეკვატურ გამოწვევებს რაც ქვეყანაშია. ეს კიდევ ერთხელ აჩვენებს იმას, რომ „ქართული ოცნების“ დეზინფორმაცია „მეორე ფრონტზე“ უპირისპირდება ქვეყნის სუვერენიტეტის და ტერიტორიული მთლიანობის ინტერესებს, რამდენადაც ეხმარება კრემლს დააჩქაროს ანექსიური პროცესები ოკუპირებულ ტერიტორიებზე,“ - განაცხადა აქუბარდიამ.

ინფორმაციისთვის, სუს- ის ანგარიშს თავდაცვისა და უშიშროების, იურიდიულ საკითხთა და ადამიანის უფლებათა დაცვისა და სამოქალაქო ინტეგრაციის კომიტეტების ერთობლივ სხდომაზე განხილავენ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო