პარლამენტის შენობასთან „თბილისი პრაიდის“ მოწინააღმდეგეები იკრიბებიან

რუსთაველის გამზირზე, პარლამენტის შენობის წინ, „თბილისი პრაიდის" მოწინააღმდეგეები იკრიბებიან.

პარლამენტთან მობილიზებული არიან სამართალდამცავები. ამ დროისთვის, რუსთაველის გამზირზე საავტომობილო მოძრაობა შეზღუდული არ არის.

შეგახსენებთ, რომ „პრაიდ ფესტივალის“ მოწინააღმდეგეებმა ლისის ტბის მიმდებარე ტერიტორია დატოვეს. ტერიტორიის დატოვებამდე მათ დააანონსეს, რომ ნაწილი რუსთაველის გამზირზე გადაინაცვლებდა, ნაწილი კი ადგილზე დარჩებოდა, თუმცა საბოლოო ჯამში, ფესტივალის მოწინააღმდეგეებმა ტერიტორია სრულად დატოვეს.

დღეს, ლისის ტბის მიმდებარე ტერიტორიაზე, სადაც „პრაიდ ფესტივალი“ უნდა გამართულიყო ფესტივალის მოწინააღმდეგეთა ჯგუფი, ღონისძიების ჩაშლის მიზნით მივიდა. მათ ტერიტორიაზე შესვლის არაერთი მცდელობა ჰქონდათ, თუმცა ამის საშუალებას სამართალდამცველები არ აძლევდნენ. აღნიშნულის გამო პოლიციასა და „პრაიდ ფესტივალის“ მოწინააღმდეგეებს შორის დაპირისპირება არაერთხელ მოჰყვა, რა დროსაც პოლიციამ რამდენიმე პირი დააკავა.

საბოლოოდ, პრაიდის მოწინააღმდეგეებმა მაინც შეძლეს ლისის ტბის ტერიტორიაზე შეღწევა, სადაც ფესტივალის მონაწილეების ნახვას ცდილობდნენ, თუმცა აღნიშნული პირები მათ ადგილზე არ დახვდათ.

ამის შემდეგ მოწინააღმდეგე პირებმა ლისის ტბის ტერიტორიაზე „პრაიდ ფესტივალისთვის“ გამაგრებული სცენა და სასცენო მოწყობილობები დაარბიეს, ინვენტარის ნაწილი კი დაწვეს.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა