ანტიკორუფციული ბიუროს უფროსი რაჟდენ კუპრაშვილი საქართველოში ევროკავშირის დელეგაციის წარმომადგენლებს, მმართველობისა და ადამიანური კაპიტალის მიმართულების ხელმძღვანელს კოლომბე დე მერსისა და პოლიტიკის, პრესისა და ინფორმაციის განყოფილების ოფიცერს, ოლიკო შერმადინს შეხვდა.

ანტიკორუფციული ბიუროს ინფორმაციით, შეხვედრაზე საუბარი შეეხო ბიუროს საქმიანობის ძირითად მიმართულებებს, განხორციელებულ აქტივობებსა და სამომავლო გეგმებს. ასევე, ხაზი გაესვა ბიუროს ეფექტიან ფუნქციონირებაში ევროკავშირის მხარდაჭერის მნიშვნელობას.

მათივე ცნობით, შეხვედრას ასევე ესწრებოდა ანტიკორუფციული ბიუროს უფროსის პირველი მოადგილე თამთა კაჭკაჭიშვილი.