კომპანია „სქილვილი“ საქართველოს ბიზნეს ასოციაციის წევრი გახდა

კომპანია „სქილვილი“ საქართველოს ბიზნეს ასოციაციის წევრი გახდა. ამის შესახებ ინფორმაციას ბიზნეს ასოციაცია ავრცელებს.

მათივე ცნობით, „სქილვილი“ საქართველოში ყველაზე მასშტაბური ონლაინ აკადემიაა, სადაც სწავლა შეუძლია ნებისმიერი ასაკის, პროფესიის ადამიანს, დაინტერესებულს ისეთი პროფესიებით, როგორიცაა პროგრამირება, ციფრული მარკეტინგი და ხელოვნური ინტელექტი. როგორც უწყების მიერ გავრცელებულ ინფორმაციაშია აღნიშნული, ონლაინ აკადემია „სქილვილში“ ტექ მიმართულების, ციფრული მარკეტინგის და ხელოვნური ინტელექტის სწავლება თანამედროვე მეთოდებით მიმდინარეობს. აკადემიაში მუდმივად ზრუნავენ იმაზე, რომ სტუდენტებმა გამოიმუშაონ საჭირო უნარები და შეიძინონ ახალი კონტაქტები, გაიცნონ სფეროს პროფესიონალები, რაც წარმატებულად დასაქმებისთვის უმნიშვნელოვანესი წინაპირობაა.

„სქილვილის“ საქმიანობა მოიცავს სამკომპონენტიანი სწავლების მოდელს. კერძოდ, ტექნიკური ცოდნა, კარიერული ზრუნვა, „ნეთვორქინგი“ - პროფესიული კავშირები.

საგულისხმოა, რომ აკადემიას, 2022 წლიდან, 1500-ზე მეტი სტუდენტი და 30-ზე მეტი პარტნიორი ორგანიზაცია ჰყავს. „სქილვილი“ თანამშრომლობს როგორც კერძო, ისე საჯარო სექტორთან და საერთაშორისო ორგანიზაციებთან.

აღსანიშნავია, რომ „სქილვილის“ აკადემიას რეგიონული პროექტები აქვს და აქტიურადაა ჩართული მთელი საქართველოს მასშტაბით, ერთი მხრივ, ტექ და ციფრული განათლების პოპულარიზაციაში და მეორე მხრივ, რეგიონში მცხოვრები ახალგაზრდებისა და მოწყვლადი ჯგუფებისთვის ახალი შესაძლებლობების მიცემაში. აკადემიაში სწავლება ონლაინ მიმდინარეობს, შესაბამისად, ყველა დაინტერესებულ პირს აქვს შესაძლებლობა მისთვის სასურველი კურსი აირჩიოს და ნებისმიერი წერტილიდან გაიღრმაოს ცოდნა ან თუნდაც შეიცვალოს პროფესია.

„საქართველოში დღეს ერთ-ერთი მნიშვნელოვანი გამოწვევა კვალიფიციური კადრებით ბაზრის დაკმაყოფილებაა. კადრების დეფიციტის პრობლემას კიდევ უფრო თვალსაჩინოს ხდის BAG ინდექსის კვლევის მაჩვენებლებიც, შესაბამისად, „სქილვილის“ და ზოგადად სასწავლებლებისა და აკადემიების აქტიური და ხარისხიანი მუშაობა, მნიშვნელოვანია როგორც ბიზნეს სექტორისთვის, ასევე სახელმწიფოსთვის. წარმატებებს ვუსურვებთ „სქილვილს“ ამ უდიდეს საქმეში, რასაც განათლება და კვალიფიკაციის ამაღლება ჰქვია და დარწმუნებულები ვართ, ჩვენი ერთობლივი თანამშრომლობა პროდუქტიული და ქვეყნისთვის სასარგებლო იქნება“,- განაცხადა საქართველოს ბიზნეს ასოციაციის პრეზიდენტმა, სოსო ფხაკაძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე