იაგო ხვიჩია - ჩვენ რომ არ გვებრძოლა, „თავდაცვის კოდექსი“ მარტში იქნებოდა მიღებული და ახალგაზრდა ბიჭები ახლა „ვიშკაზე“ იდგებოდნენ - პარლამენტის წევრები იმისთვის აგვირჩიეს, რომ თავისუფლების გასაფართოებლად ვიბრძოლოთ

ჩვენ რომ არ გვებრძოლა, ეს კანონი მარტში იქნებოდა მიღებული და ახალგაზრდა ბიჭები ახლა „ვიშკაზე“ იდგებოდნენ,- ამის შესახებ „გირჩის“ ლიდერმა იაგო ხვიჩიამ ტელეკომპანია „პალიტრანიუსის“ გადაცემაში „360 გრადუსი“ „თავდაცვის კოდექსთან“ დაკავშირებით განაცხადა.

ხვიჩია ვარაუდობს, რომ კანონპროექტის განხილვა შემოდგომამდე, მესამე მოსმენისთვის გადაიდება.

„დღეს, უკვე გაირკვა, რომ ამ კანონის საბოლოო მიღება შემოდგომამდე ვერ მოხდება და შემოდგომამდე ადამიანები „ვიშკაზე“ არ დადგებიან. მე მგონია, რომ თავისუფლების ნებისმიერი დღე იმდენად მნიშვნელოვანია, საქართველოს პარლამენტის წევრები, პირდაპირ იმისთვის აგვირჩიეს, რომ ადამიანების თავისუფლების გასაფართოებლად ვიბრძოლოთ, ჩვენ უნდა გვქონდეს არგუმენტაცია და მორალური უფლება მომავალ თაობებს, მედიას ვუთხრათ, რომ ჩვენ ყველაფერი გავაკეთეთ, რაც ჩვენ ხელთ იყო, რომ ეს ბოროტება შეგვეჩერებინა. ოთხნი ვიყავით და განსაკუთრებული მადლობა მინდა ანა წითლიძეს ვუთხრა, როგორც ადრე, დილიდან საღამომდე ჩვენ გვერდით იდგა და ჩვენთან ერთად იბრძოდა. პარლამენტში 4 კი არ უნდა ვიყოთ, უნდა ვიყოთ, 40, 20 და ასეთი სიბოროტეები არ იქნება მიღებული. გააჩნია, ხვალ რამდენი ადამიანი იქნება ჩვენთან ერთად, დღევანდელი ტემპით, შესაძლოა, მიღება მოასწრონ, რადგან ხვალ საერთოდ ამის დასაზღვევად, დილის 11 საათიდან გვაქვს სხდომები შესვენების გარეშე, ამიტომ არ ვიცი, ხვალ რა იქნება, შეიძლება მეორე მოსმენით მიიღონ, მაგრამ მესამე მოსმენით ეს მაინც გადავა შემოდგომაზე. რამდენიმე თვე, თუნდაც, ჩვენი ბრძოლის შედეგად, ადამიანების თავისუფლება იქნება დაცული.

მინდა, ადამიანებს ვუთხრა, არ შეიძლება, პოლიტიკური პარტიებისთვის ხმის მიცემა „უპრაგონოდ“, როცა ისინი იმდენ პატივსაც არ სცემენ საკუთარ ამომრჩეველს, რომ ისეთი პარლამენტის წვერები იყვნენ, რომლებიც ნახევარი დღე იმუშავებენ, როგორც პარლამენტის წევრს შეეფერება. „ნაცმოძრაობის“ შემადგენლობა ასე რომ ყოფილიყო დაკომპლექტებული, ამ კანონპროექტს სამუდამოდ გავაჩერებდით, ასევე, პატარა პარტიები - ვაშაძის პარტია საერთოდ არ შემოსულა, „ლელო“ საერთოდ არ შემოსულა, ერთი გრამი არ გაუკეთებიათ ამ საქმეში“, - განაცხადა ხვიჩიამ.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა