ზურაბ ბატიაშვილი - საქართველო, რომელიც  თავის დროზე, რეფორმებისა და დასავლეთთან დაახლოების საკითხში მედროშე იყო, ახლა ყველაზე ჩამორჩენილ ჯგუფშია - არ ჩანს პერსპექტივაც, რა შეიძლება ისეთი მოხდეს, რასაც ამ მდგომარეობიდან გამოსვლა მოჰყვება

საქართველოსა და უკრაინის გზები გაყოფილია, მათ შორის გაიყო ევროკავშირთან დაახლოების პროცესში, ახლა ვხედავთ იმავეს ნატო-სთან მიმართებით. ეს, რა თქმა უნდა, ცუდია. როცა ჩვენ თავის დროზე, რეფორმებისა და დასავლეთთან დაახლოების საკითხში მედროშეები ვიყავით, ახლა ყველაზე ჩამორჩენილ ჯგუფში ვართ, - ასე შეაფასა ვილნიუსში გამართული ნატო-ს სამიტი საერთაშორისო ურთიერთობების ექსპერტმა ზურაბ ბატიაშვილმა.

როგორც მან „ინტერპრესნიუსს“ განუცხადა, საქართველომ უნდა შეასრულოს საშინაო დავალება და მხოლოდ ამის შემდეგ იქნება რეალური ნატო-ში გაწევრიანება.

„ვილნიუსის სამიტი თავისი არსით მართლაც ისტორიული ამბავია, იმიტომ, რომ უკრაინაზე კონცენტრირება მოხდა, ითქვა, რომ უკრაინას გაწევრიანებისთვის MAP-ი აღარ სჭირდება და ამავე დროს, თურქეთმა შვედეთს მწვანე შუქი აუნთო. ნატო გაფართოებას განაგრძობს აღმოსავლეთით და ესეც მნიშვნელოვანია საქართველოსთვის. რაც შეეხება კომუნიკეში საქართველოსთან დაკავშირებით გაკეთებულ ჩანაწერს, იქ ნათლად ჩანს, რომ, სამწუხაროდ, საქართველოს არ აქვს პროგრესი და დიდწილად იმეორებს წინა წლების მსგავსი დოკუმენტების შინაარსს: „ნატო განაგრძობს საქართველოს თანადგომას და მხარდაჭერას ტერიტორიული მთლიანობის საკითხში“,“ რუსეთს მოუწოდებს, რომ გაიყვანოს ჯარები ოკუპირებული ტერიტორიებიდან“. ასევე, საინტერესოა ბოლოში გაკეთებული ჩანაწერი, სადაც ვკითხულობთ, „იმისთვის, რომ საქართველომ ნატო-სთან დაახლოების საკითხში პროგრესს მიაღწიოს, მას რეფორმების განხორციელება სჭირდება, განსაკუთრებით, ეს ეხება დემოკრატიის მიმართულებით არსებულ გამოწვევებს“. რეალურად ნათქვამია ის, რომ საქართველომ უნდა შეასრულოს საშინაო დავალება და მხოლოდ ამის შემდეგ იქნება რეალური ნატო-ში გაწევრიანება. ეს რამდენად შესაძლებელია არსებული ხელისუფლების პირობებში, ცოტა ძნელი სათქმელია, იმიტომ, რომ არათუ რეფორმებს ატარებს, არსებულს, რაც არის, იმასაც ართმევს დემოკრატიულ ინსტიტუტებს. მაინცდამაინც პროგრესული ვერ არის ამ მიმართულებით საქართველოს ხელისუფლება.

ასევე, საქართველოსა და უკრაინის გზები გაყოფილია, მათ შორის გაიყო ევროკავშირთან დაახლოების პროცესში, ახლა ვხედავთ იმავეს ნატო-სთან მიმართებით. ეს, რა თქმა უნდა, ცუდია. როცა ჩვენ, თავის დროზე, რეფორმებისა და დასავლეთთან დაახლოების საკითხში მედროშეები ვიყავით, ახლა ყველაზე ჩამორჩენილ ჯგუფში ვართ. სამწუხაროდ, ჯერჯერობით, არ ჩანს პერსპექტივა, თუ რა შეიძლება მოხდეს ისეთი, რასაც საქართველოს ამ მდგომარეობიდან გამოსვლა მოჰყვებოდა. ეს არის სამწუხარო რეალობა, რომელშიც ამ ხელისუფლებამ ქვეყანა ჩააყენა. თუნდაც ის ფაქტი, რომ ვილნიუსში საქართველოს არა პრემიერი და პრეზიდენტი, არამედ საგარეო საქმეთა მინისტრი წარმოადგენდა, რომელიც მეთვალყურის ფუნქციას ასრულდება და მეტს არაფერს, ეს თავისთავად მეტყველებს იმაზე, თუ რა სურს საქართველოს ხელისუფლებას“, - განაცხადა ზურა ბატიაშვილმა.

შეგახსენებთ, რომ ნატო-ს წევრი ქვეყნების ლიდერების მიერ გამოქვეყნებულ კომუნიკეს მიხედვით, ევროატლანტიკური მისწრაფებების წინსვლისთვის საქართველომ რეფორმებში უნდა მიაღწიოს პროგრესს, მათ შორის საკვანძო დემოკრატიულ რეფორმებში. ამასთან, ნატოს წევრები იმეორებენ 2008 წლის ბუქარესტის სამიტზე მიღებულ გადაწყვეტილებას, რომ საქართველო გახდება ალიანსის წევრი წევრობის სამოქმედო გეგმით, (MAP) როგორც პროცესის განუყოფელი ნაწილით. რაც შეეხება უკრაინასთან დაკავშირებით გაკეთებულ ჩანაწერს, კომუნიკეს მიხედვით, უკრაინის მომავალი ნატოშია. „უკრაინის გზა გასცდა გაწევრიანების სამოქმედო გეგმის საჭიროებას, სულ უფრო მეტად თავსებადია და პოლიტიკურად ინტეგრირებულია ალიანსთან და მიაღწია მნიშვნელოვან პროგრესს რეფორმების გზაზე“, - ნათქვამია კომუნიკეში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე