კახა კალაძის განცხადებით, 2023-2029 წლებში 12 მეტროსადგურის რეაბილიტაციაა დაგეგმილი

თბილისის მერის, კახა კალაძის განცხადებით, 2023-2029 წლებში 12 მეტროსადგურის რეაბილიტაციაა დაგეგმილი.

როგორც მან დედაქალაქის მთავრობის სხდომაზე განაცხადა, პროექტისთვის, ევროპის რეკონსტრუქციისა და განვითარების ბანკის მიერ 50 მლნ ევრო სესხის, ხოლო 5 მლნ ევრო გრანტის სახითაა გამოყოფილი.

„აღნიშნული ფინანსური მხარდაჭერის ფარგლებში იგეგმება 12 მეტროსადგურის რეაბილიტაცია, მოდერნიზება და ელექტროსისტემების მოწესრიგება, რომელიც მნიშვნელოვანია მეტროს გამართული და სრულყოფილი მუშაობისთვის. მოდერნიზაციის პროექტის განხორციელება დაგეგმილია 2023 -2029 წლების განმავლობაში. საუბარია, 12 მეტროსადგურის მოდერნიზაცია -განახლებაზე“, - განაცხადა კალაძემ.

როგორც კალაძემ აღნიშნა, „იბიარდმა“ ასევე უზრუნველყო კონსულტანტის შერჩევა, რომელიც თბილისის სატრანსპორტო კომპანიას სხვადასხვა მომსახურების შესყიდვაში დაეხმარება.

„მეტროსადგურის რეაბილიტაციის ფარგლებში შეიცვლება სადგურის მოედნის მესამე ამოსასვლელის სამი ესკალატორი, განხორციელდება 36 ესკალატორის ელექტროძრავის მოდერნიზაცია, რაც დაზოგავს ელექტროენერგიას. შეიცვლება ესკალატორებისა და ელექტრომექანიკური დანადგარების საკონტროლო პანელები, განახლდება მგზავრთა ინფორმირების სისტემა. გაუმჯობესდება სადგურების შესასვლელების ფიზიკური ხელმისაწვდომობა, მათ შორის რამდენიმე მეტროსადგურზე დამონტაჟდება სპეციალური დახრილი ლიფტები. სადგურის მოედნის კვანძზე დამონტაჟდება ორი ლიფტი, პირველ და მეორე ხაზებს შორის წვდომის გასაუმჯობესებლად. რეაბილიტირდება ცენტრალური სადრენაჟო -სატუმბი სადგურები, შეიცვლება ხანძარსაწინააღმდეგო სისტემები, შეიცვლება სპეციალური და ადმინისტრაციული სატელეფონო სისტემები. ასევე, შეიცვლება უწყვეტი კვების წყარო, სადგურებზე მდებარე ცენტრალიზებული და ბლოკირების სიგნალიზაციისთვის და ასევე, ავტომატური მართვის პუნქტებისთვის. რეაბილიტირდება სადგურის გარეთ არსებული სავენტილაციო სისტემა, ჯამში, 18 ვენტილატორი და მართვის სისტემა. მოხდება მეტროს გაერთიანებული სახელოსნოების სრული გადაიარაღება და გარემონტდება შენობა - ნაგებობები. გადაიარაღდება მეტროს სასწავლო ცენტრი, განახლდება ტექნიკური ხელსაწყოები და დანადგარები. ჩამონათვალიდან ჩანს, რომ მეტროს მუშაობა ამ პროექტის განხორციელების შემდეგ არსებითად გაუმჯობესდება“, - განაცხადა კალაძემ.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება