HR hub-ის ორგანიზებით, 14 ივლისს წლის მთავარი HR მოვლენა HR ბიზნეს სამიტი 2023 გაიმართება. ღონისძიების მთავარი წარმდგენი „თიბისი“ დაზღვევაა.

„თიბისის“ ინფორმაციით, HR ბიზნეს სამიტი უკვე 6 წელია ტარდება, წელს კი ძირითადი თემა გუნდურობა იქნება.

„სპიკერები განიხილავენ, რამდენად მნიშვნელოვანია გუნდურობა, როგორც ინდივიდუალური თანამშრომლისთვის, ისე მთლიანად კომპანიისთვის, რა მიზნებამდე შეიძლება მიგვიყვანოს გუნდურმა სულისკვეთებამ, როგორ ჩამოვაყალიბოთ „თიმი“ სწორედ და ამ თემის გარშემოა დაგეგმილი დღის მთავარი აქტივობებიც.

ღონისძიება „ვორქშოპებით“ დაიწყება, შემდეგ კი მთავარ სცენაზე სპიკერები ისაუბრებენ. სამიტის მონაწილეებს საშუალება ექნებათ თავად აარჩიონ სასურველი თემა, ფასილიტატორი ონლაინ ხმის მიცემით. ასევე, შესაძლებლობა ექნებათ, საკუთარი სურვილისამებრ გადაწყვიტონ, რომელ „ვორქშოპსა“, თუ „ნეთვორქინგ“ აქტივობაში მიიღებენ მონაწილეობას.

„თიბისი“ დაზღვევის ადამიანების მენეჯმენტის განყოფილების უფროსი, თეა მახარაძე წარდგება თემით “ალმოდებული ლამბორგინი”, რომელიც გუნდში ინდივიდის მნიშვნელობას ეხება. „თიბისი“ დაზღვევა რამდენიმე წელია HR სამიტის მონაწილეა. კომპანიის მთავარი მიზანი ადამიანებისთვის ცხოვრების გამარტივებაა, რისი ხელშესახები მაგალითიც მათი ჯანმრთელობის დაზღვევაა: გამარტივებული სამედიცინო სერვისები, ციფრული მომსახურება და სწრაფი ანაზღაურება“, - ნათქვამია „თიბისის“ მიერ გავრცელებულ ინფორმაციაში.