„საქართველოს ბანკი“ და საქართველოს ფერმერთა ასოციაცია აგროსექტორის ტექნოლოგიური გამოწვევების შესახებ შეხვედრას გამართავენ

„საქართველოს ბანკი“ მცირე და საშუალო ბიზნესების მხარდაჭერას და მათი განვითარების ხელშეწყობას განაგრძობს. აგრომიმართულებით ტექნოლოგიების იმპლემენტაციის ხელშეწყობისთვის, წარმოების პროცესების კიდევ უფრო მეტად გასამარტივებლად და ეფექტურობის გასაზრდელად, ფინანსური ინსტიტუტი არაერთ პროექტს ახორციელებს.

„საქართველოს ბანკის“ ინფორმაციით, სწორედ ამ მიზნით, „საქართველოს ბანკისა“ და საქართველოს ფერმერთა ასოციაციის ინიციატივით, 18 ივლისს ქუთაისში, სასტუმრო Best Western Kutaisi-ში აგროსექტორის წარმომადგენლებთან ბიზნესშეხვედრა გაიმართება, რომლის ფარგლებშიც დარგის ექსპერტები მონაწილეებს აგრომიმართულებით ტექნოლოგიური გამოწვევებისა და მათთან გამკლავების გზების შესახებ გაესაუბრებიან.

შეხვედრის სპიკერები იქნებიან: ედვარდ შერმადინი, აგროექსპერტი;ილია კუნჭულია, საქართველოს ფერმერთა ასოციაციის აგრონომი და სერტიფიცირების პროფესიონალი; ალექსანდრე მელქაძე, საქართველოს ბანკის აგრომიმართულების ხელმძღვანელი.

შეხვედრის ფარგლებში მონაწილეები გაეცნობიან ირიგაციისა და ფერტიგაციის თანამედროვე მეთოდებს, სატელიტური მონიტორინგის შესაძლებლობებს, რაც დაეხმარება მათ, გაზარდონ წარმოების მოცულობა. ასევე, მონაწილეები გაიგებენ თუ როგორ იმუშაონ ფენოლოგიური ფაზებსა და პროდუქტიულობის რუკის განსაზღვრაზე, მეტეოროლოგიური სადგურების, ამინდზე დაფუძნებული ტექნოლოგიებისა და სხვადასხვა პლატფორმების მეშვეობით.

„საქართველოს ბანკი“ უკვე მრავალი წელია მხარს უჭერს ქვეყანაში აგრობიზნესების განვითარებას. ჩვენ მიერ განხორციელებული ინიციატივების დიდი ნაწილი მიმართულია სამუშაო პროცესებში თანამედროვე ტექნოლოგიების დანერგვის ხელშეწყობისკენ. ამისათვის კი არაერთ ინიციატივას ვახორციელებთ და ვუჭერთ მხარს. ერთ-ერთ ასეთ ინიციატივას კი საქართველოს ფერმერთა ასოციაციასთან თანამშრომლობით ორგანიზებული შეხვედრა წარმოადგენს, რომლის ფარგლებშიც აგროსექტორის წარმომადგენლებს შესაძლებლობა ექნებათ, დარგის სპეციალისტებთან ერთად ისაუბრონ თანამედროვე ტექნოლოგიების დახმარებით წარმოების მაქსიმიზაციის შესაძლებლობებზე, გაიგონ მეტი სექტორში მიმდინარე ტექნოლოგიური სიახლეების შესახებ და ფეხი აუწყონ მსოფლიოში არსებულ აგრო სექტორის ტენდენციებს“, - აღნიშნა“ საქართველოს ბანკის“ აგრო პროდუქტების განვითარების ხელმძღვანელმა, ალექსანდრე მელქაძემ.

ღონისძიებაზე დასასწრებად გაიარეთ რეგისტრაცია ბმულზე.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება