გიორგი ჩალაძის განცხადებით, უცხოელი ექიმებით დაკომპლექტებულმა ჯგუფმა მიხეილ სააკაშვილთან შესვლა ბრიუსელსა და თბილისს შორის ინტენსიური და მაღალი დონის მოლაპარაკებების შედეგად შეძლო

მესამე პრეზიდენტის, მიხეილ სააკაშვილის გათავისუფლების შტაბის ხელმძღვანელის, გიორგი ჩალაძის განცხადებით, ბრიუსელსა და საქართველოს მთავრობას შორის ძალიან ინტენსიური მოლაპარაკებების შემდეგ, კლინიკა „ვივამედში“ პოლონელი ექიმები შევიდნენ.

მისივე თქმით, სამედიცინო მისიის წარმომადგენლები საქართველოში დარჩებიან მანამ, სანამ მიხეილ სააკაშვილის ჯანმრთელობის მდგომარეობის შესახებ საკმარის მონაცემებს და ინფორმაციას არ მიიღებენ.

როგორც მან აღნიშნა, სამედიცინო მისიის შედეგები საჯარო არ იქნება.

„27 თებერვალს, ბრიუსელში შეთანხმებული დემარშის იუსტიციის სამინისტროსთვის გადაცემის შემდეგ, სამედიცინო მისია, ფაქტობრივად, 5 თვის დაგვიანებით საქართველოში ჩამოვიდა. ამ პროცესში ჩვენ არა ერთხელ ვნახეთ ტყუილების კასკადები, რომლებიც გაჟღერებული იყო და თქვენ ნახეთ, ჩვენ როგორ დავიცავით კონფიდენციალური შეთანხმება, ვაცადეთ დიპლომატიას მუშაობა და დღეს ექიმები აქ არიან ისე, რომ არავინ იცოდა აქ ჩამოსული რომ იყვნენ და არავინ იცოდა კლინიკა „ვივამედში“ როდის შევიდოდნენ. ჩვენ ეს პირობა დავიცავით. ვიზიტთან დაკავშირებულ დეტალებს კვლავ ვერ გავაჟღერებთ, იმიტომ, რომ ეს არის დიპლომატიური მოლაპარაკების საკითხი. ეს არის კონფიდენციალური, მხოლოდ რამდენიმე პირმა ვიცით ამის შესახებ და ეს ჩვენი მხრიდან არ გავრცელდება.

შემიძლია გითხრათ, რომ დღეს დილიდან მოყოლებული ბრიუსელსა და საქართველოს მთავრობას შორის ძალიან ინტენსიური საუბრების, მოლაპარაკებების და დისკუსიების შემდეგ, ამ გადაწყვეტილების მიღება მოხდა. ეს საუბარი არ იყო მარტივი და დაბალ დონეზე არ მიმდინარეობდა, უმაღლეს პოლიტიკურ დონეზე გაიმართა ბრიუსელსა და თბილისს შორის. ამაში აქტიურად იყო ჩართული საქართველოდან ევროკავშირის წარმომადგენლობა და პოლონეთის საელჩო.

სამედიცინო მისია დაკომპლექტებულია სხვადასხვა პროფილის ექიმებით - მსოფლიოში ერთ-ერთი საუკეთესო, უმაღლესი დონის, სპეციფიკური ცოდნის და განათლების მქონე ექიმებით, რომლებიც აღჭურვილნი არიან ყველაფრით, რაც მიხეილ სააკაშვილის ჯანმრთელობის მდგომარეობის შესასწავლად სჭირდებათ. მისია გაგრძელდება იქამდე, ვიდრე ექიმები მათთვის საკმარის მონაცემებს და ინფორმაციას არ მიიღებენ, რომელიც საჭიროა მისი ჯანმრთელობის სურათის სრულად დასანახად. სამედიცინო მისიის შედეგები საჯარო არ იქნება“, - განაცხადა ჩალაძემ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა