მაია ბითაძე საქართველოში ვესტმინსტერის დემოკრატიის ფონდის წარმომადგენლებს შეხვდა

საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე, მაია ბითაძე საქართველოში ვესტმინსტერის დემოკრატიის ფონდის წარმომადგენელს, ლაშა ნაკაშიძეს და ამავე ფონდის პროგრამების ხელმძღვანელს, ქეთევან ჩადუნელს შეხვდა. ამის შესახებ ინფორმაციას პარლამენტის პრესსამსახური ავრცელებს.

მათი ცნობით, შეხვედრაზე ერთობლივი პროექტების მიმდინარეობის შესახებ ისაუბრეს. კერძოდ, იმსჯელეს დაბალემისიანი მდგრადი მობილობის და დეკარბონიზაციის შესახებ მიმდინარე თემატური მოკვლევების თაობაზე რეკომენდაციების შემუშავების საკითხებზე.

შეხვედრაზე ისაუბრეს სამომავლო გეგმებზეც, რომელიც კლიმატის ცვლილების კანონის პროექტს უკავშირდება.

„ასევე მდგრადი განვითარების მიზნებიდან გამომდინარე კომიტეტის სამოქმედო გეგმები განიხილეს და იმსჯელეს ვესტმინსტერის ფონდის მხარდაჭერით რა ერთობლივი პროექტების განხორციელება შეიძლება ამ მიმართულებით“, - ნათქვამია ინფორმაციაში.

ნატა საბანაძე -  ჩვენი კანონი იმიტომაა „რუსული“, რომ ის ებრძვის დასავლეთს და მის მხარდაჭერას, მისი სამიზნე დასავლეთია, „ქართული ოცნება“, რუსეთის მსგავსად აღიარებს, რომ დასავლეთი მისი მტერია
ლევან დოლიძე - იმ ნაბიჯებზე ფოკუსირების ნაცვლად, რამაც უკვე შემდგომი პროგრესი უნდა მოგვიტანოს, ჩვენ თავად ვქმნით ახალ ბარიერებს ევროკავშირისკენ მიმავალ გზაზე
ქართული პრესის მიმოხილვა 15.04.2024
წინანდლის მამულში საგაზაფხულო სეზონი კულტურული ღონისძიებებით გაიხსნა