რელიგიის საკითხთა სახელმწიფო სააგენტოს დელეგაცია სომხეთის რესპუბლიკაში გაემგზავრა.

როგორც სააგენტოს მიერ გავრცელებულ ინფორმაციაშია ნათქვამი, დელეგაციის შემადგენლობაში არიან რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე, სტრატეგიული კვლევის, ანალიზისა და რეგიონების სამსახურის ანალიტიკოსი, გიორგი პატაშური და სამართლებრივი უზრუნველყოფის სამსახურის იურისტი, ალექსანდრე შეყილაძე.

„სამუშაო ვიზიტის ფარგლებში, დელეგაცია შეხვდება სომხეთის რესპუბლიკის პრემიერ-მინისტრის მრჩეველს, არტაშეს თუმანიანსა და ყოველთა სომეხთა კათალიკოსს, გარეგინ მეორეს. ვიზიტის მიზანია, სომხეთის რესპუბლიკასთან რელიგიის სფეროში თანამშრომლობის განმტკიცება”, - ნათქვამია ინფორმაციაში.