ფინანსთა მინისტრი ლაშა ხუციშვილი აზიის განვითარების ბანკის ახალ რეგიონულ დირექტორს შეხვდა
ფინანსთა მინისტრი ლაშა ხუციშვილი აზიის განვითარების ბანკის ახალ რეგიონულ დირექტორს საქართველოში ლესლი ლამს შეხვდა.
ფინანსთა სამინისტროს ინფორმაციით, შეხვედრას ფინანსთა მინისტრის მოადგილეები, გიორგი კაკაურიძე და მირზა გელაშვილი დაესწრნენ.
მინისტრმა ADB-ის რეგიონულ დირექტორს ახალ პოზიციაზე დანიშვნა მიულოცა და იმედი გამოთქვა, რომ ბანკთან თანამშრომლობა კვლავ აქტიურად გაგრძელდება.
მხარეებმა ორმხრივი ურთიერთობების საკითხები და ბანკის მხარდაჭერით მიმდინარე პროექტები განიხილეს.
ხაზი გაესვა 2024 წლის მაისში, აზიის განვითარების ბანკის ყოველწლიური შეხვედრის საქართველოში ჩატარების მნიშვნელობას.
