დღეს მუსლიმები 622 წელს, წინასწარმეტყველ მუჰამადის მექიდან მედინაში გადასახლებას, ჰიჯრას აღნიშნავენ.

ამის შესახებ რელიგიის საკითხთა სახელმწიფო სააგენტოს მიერ გავრცელებულ ინფორმაციაშია ნათქვამი.

„ამ დღეს მუჰამადმა დაკარგა თავისი ტომის მფარველობა და მის სიცოცხლეს საფრთხე შეექმნა. ჰიჯრა, მთვარის კალენდრის მიხედვით, ახალი მუსლიმური წელთაღრიცხვის დასაწყისია. მან გადამწყვეტი როლი ითამაშა ისლამის ფორმირებისა და გავრცელებაში, ასევე, ახლად აღმოცენებული, ცენტრალიზებული სახელმწიფოს იდეოლოგიად გადაქცევის საქმეში. ამ მოვლენასთანაა დაკავშირებული მუსლიმური მთვარის კალენდრის დასაწყისი. რელიგიის საკითხთა სახელმწიფო სააგენტო ულოცავს მუსლიმებს დღესასწაულს და წარმატებებს უსურვებს“, - ნათქვამია ინფორმაციაში.