დევნილთა სააგენტოს დირექტორი გაეროს ლტოლვილთა უმაღლესი კომისრის საქართველოს წარმომადგენლობის ხელმძღვანელს შეხვდა
დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ზურაბ უტიაშვილი გაეროს ლტოლვილთა უმაღლესი კომისრის საქართველოს წარმომადგენლობის ხელმძღვანელს კემლინ ფურლის შეხვდა.
ამის შესახებ ინფორმაციას ჯანდაცვის სამინისტრო ავრცელებს.
მათივე ცნობით, გაცნობითი ხასიათის შეხვედრაზე იძულებით გადაადგილებულ პირებთან დაკავშირებულ საკითხებზე, არსებულ პოლიტიკასა და მომავლის ხედვებზე იმსჯელეს.
„შეხვედრაზე განსაკუთრებული ყურადღება გამახვილდა საერთაშორისო დაცვის ქვეშ მყოფ პირთა ინტეგრაციის ხელშეწყობის პროგრამაზე, რომელსაც სააგენტო UNHCR-ის მხარდაჭერით ახორციელებს. საუბარი ასევე შეეხო უკრაინელი ლტოლვილებისათვის განხორციელებულ აქტივობებს, რომელსაც სააგენტო უზრუნველყოფს და ამ მიმართულებით UNHCR-ის საკოორდინაციო პლატფორმის მნიშვნელობას. მხარეები სამომავლოდ კიდევ უფრო მჭიდრო და ნაყოფიერი თანამშრომლობის გაგრძელებაზე შეთანხმდნენ“, - ნათქვამია გავრცელებულ ინფორმაციაში.
v-if="article.gallery" v-html="article.gallery"
